朱薰囡囡第一次紮辮 少女心現
廣告
朱薰囡囡譚在之（妹之）一歲半人仔，第一次紮辮，由男仔頭搖身一變成為少女，妹之望住塊鏡，都難以相信呢個就係自己呀！
撰文：Sunday Kiss
相片：chufune＠IG
朱薰囡囡第一次紮辮 少女心現
兩小兄妹咁相親相愛，全靠朱薰教導有方！
生兩個的父母可能有偏心，或者把時間偏重了其中一個，朱薰也曾擔心自己不夠愛錫妹之，後來與阿榮想出一個好方法，阿榮說：「我哋搵咗之仔幫手錫妹之，佢都做得好稱職，令妹之有多一份愛。」朱薰告訴之仔，媽咪錫你，誰人錫妹妹？「所以自妹妹出世後，之仔對妹妹好受落，錫到佢塊面扁！」
唐僧上身講道理
能夠湊到一對「好」字，朱薰心滿意足，至於湊仔湊女有否不同，她指妹之尚小，暫時對她仍沿用「羅家英」教學法，但她知道囡囡的性格不同，而且較聽話，之後應該會針對囡囡發掘另一套方法。「可能對住妹之我要好惡，對之仔就要羅家英咁，我應該會精神分裂。」但朱薰深信良好的親子關係建基於愛與溝通之上，無論幾忙都要親力親為湊小孩，從中多與仔女溝通，了解他們的想法。「我同佢哋傾好多偈去建立關係，如果我哋建立唔到關係，仔女對我冇信心，我想叫佢哋做乜都唔得，佢哋唔會信服我。依家我對住之仔要不斷傾偈，比我返工講更多嘢，佢先聽我話。」
