李亞男陀B六個月 捧巨肚開工
撰文：C | 圖片：新傳媒資料室、李亞男IG、王祖藍
李亞男捧巨肚開工 王祖藍：「BB一定要努力各方面似媽媽」
呢日，李亞男（Leanne ）挺巨肚大晒長腿開工，與突然成為「媽媽」的好姊妹陳美詩（Macy）合照。沒有懷孕的Macy為了與李亞男擺出「捧巨肚」的甫士，竟然在裙裡自製一個「肚」！李亞男搞笑留言，問Macy肚裡是否有外星人：「What are you having in your stomach? Alien? #孕婦日記#gained25lbs #babyontheway」
李亞男親認陀B女 網民：拜託要像媽媽！
李亞男在個人Instagram上載了一張孕照，肚上就用粉紅色寫了「Baby Girl」，留言指：「今日小公主陪我開工，佢好乖！」王祖藍則寫道：「寶寶，一定要努力各方面都像媽媽。」
王祖藍：「寶寶，一定要努力各方面都像媽媽。」
網民得知李亞男陀B女後，紛紛留言指希望不要像爸爸王祖藍，更有粉絲指會天天替李亞男祈禱：「拜託要像媽媽！」
胎動似攪肚痛
亞男有咗4個月，狀態仲好好，冇增磅，冇腰痛，又冇乜作嘔作悶，胃口都OK！不時仲去行吓公園，希望對將來順產會有幫助。
亞男話，初初感受到胎動嘅時候，感覺好奇妙，好似攪肚痛咁！
未決定順產定開刀
亞男話而家仲未決定順產定開刀，因為祖藍實在太忙喇，怕BB出世會撞正爸爸要開工，如果開刀嘅話，爸爸就可以提早請定假！
至於BB係男仔定女仔，亞男就話遲啲先公布！但係聽人講過，第一胎係女就會似爸爸多啲，係仔呢就會似媽咪多啲！
不過亞男自己就話呢啲嘢好難講，因為爸爸基因太強喇！諗到呢度 ，佢就大叫話： 「真係好驚呀！」
與好姊妹鍾嘉欣 齊齊陀B晒孕肚
今日，李亞男喺IG晒出與AMAZING ESTHER中的一員好姊妹鍾嘉欣的合照，曾經一齊經歷參選華姐、同住的二人，互相撫摸對方肚子，畫面非常sweet。Leanne更激動留言「好感恩可以同我最好的姊妹嘉欣一齊陀B。好多謝佢分享自己陀B、生產的經驗畀我，又陪我散步」
佢表示自己已經迫不及待想同嘉欣嘅BB見面，更大讚嘉欣係一個超級媽媽、超級人妻。
It’s such a blessing that I can be pregnant with my dearest friend @chungkayanlinda . Thank you for sharing your experiences with me and walking with me 💕 you are a super mom and wife ! I can’t wait to meet your little one . Love you !
李亞男：有向LINDA同宋熙年取經
向來十分喜歡小朋友的李亞男則表示：「好開心終於做媽媽喇，第一時間知道嗰陣真係好驚喜，同埋有啲唔敢相信。因為我哋雖然係PLAN今年做爹哋媽咪，但冇諗過咁快就實現到，真係好感恩。其實仔定女我都冇所謂，因為我都會好鍾意。最緊要係BB嘅成長過程夠健康，同埋佢嘅成長夠開心快樂。」李亞男又謂已向AMAZING ESTHER一眾好姊妹分享喜悅：「我有向LINDA同宋熙年取經，問定佢哋有咩嘢唔食得，同埋可唔可以做運動，真係好多好多問題想問，始終自己冇經驗。」她又謂為了BB著想，已對十分喜歡的食物盡量SAY NO：「我食少咗好多甜品，同埋飲少咗好多咖啡呀，我以前可以一日飲幾杯架。雖然呢啲都只係好小嘅事，但已令我體會到做媽媽係需要付出好多嘅愛。」李亞男又承諾現階段會好好TAKE CARE自己，多點休息，果然為升呢媽咪做足準備。
王祖藍 ：究意將來BB嘅高度係會似我定似阿媽呢？
結婚三年多的王祖藍和李亞男，今午13：14於社交網宣布有喜，是日更是二人拍拖九周年紀念日，選擇在如此特別的日子公布喜訊，真係好浪漫。對於結婚三年多終榮升爹哋，祖藍笑說：「首先好感恩啦，可以喺拍拖九周年紀念日去宣布呢件事，我哋拍拖嗰時係2009年，咁啱9年後有個小朋友，咁希望所有嘢都可以長長久久啦。亦都好感謝上帝，幫我哋安排晒所有嘢都喺計劃入面進行，之前應承過LEANNE搬出嚟二人世界之後，過兩年左右先有小朋友，依家真係實現到，真係好感恩。」
李亞男陀B三個月興奮做媽媽 笑言：老公基因太強大
近日，剛宣佈有喜的李亞男（Leanne）跟網友喺IG大玩Ask me a question，開心分享陀B感受，被問到：「你希望bb將來的外貌像你多些還是像祖藍多些」時，Leanne就笑言：「希望有我的高度，不要浪費了我的基因」不過…佢就PS咗一句「雖然我知道佢（王祖藍）的基因太強」更附上捂臉表情。
Leanne透露BB剛過三個月，開心分享陀B喜悅。
Leanne直言同老公都為「突如其來」的BB感到驚訝、興奮，同時感恩小生命的到來。
被問鍾意男仔定女仔，一直恨生B嘅Leanne就話：男女都唔所謂，因為佢想生兩個！
Leanne表示BB中文名由祖藍起，英文名就自己負責。
李亞男 有意留港產子
華姐出身的Leanne，被問有沒有想好似好姊妹嘉欣BB咁，返溫哥華安胎生B，佢就表示有意留港生B。
老公在內地密密搵定奶粉錢，Leanne留港安胎亦方便同老公多見面。
李亞男：BB好錫媽咪
有網友就關心懷孕初期的Leanne早上有沒有晨起嘔吐、噁心、喜食酸物或厭油膩等妊娠反應，Leanne就表示，BB好錫媽媽，佢暫時都未經歷過孕期的任何不適，只會每日覺得好攰，又會頻頻「尿尿」。
暖男廚房 大肚食唔停
Leanne於5月曾推出食譜書，為了籌備出書的她，不時拜師學藝，亦成日喺IG上載食物相。而陀BB當然要好營養﹐入得廚房的Leanne，更為自己烹飪不少美食，懷孕後亦進食不少健康餐、生果及果汁！
結婚3年終成孕 王祖藍李亞男宣布造人成功！
終於做媽咪，Leanne 一開始都有啲唔敢相信。雖然佢哋係Plan咗今年生B ，但係冇諗過咁快就實現到！至於BB係仔定女，Leanne話都冇所謂，仔女佢都咁鍾意呀！
王祖藍：王家有喜！
知道老婆有喜，身為教徒嘅藍男都表示好感恩！祖藍更喺IG PO咗張長輩圖報喜！仲話同Leanne 2009年開始拍拖，喺9年後有咗BB ，希望一切都長長久久！
