梁浸浸獲批玩電話 興奮到彈起
廣告
藝人鄭希怡（Yumiko）2014年下嫁化妝師男友Andy，並於翌年誕下女兒梁浸浸（原名：梁子柔），梁浸浸甫出生後受盡網民喜愛，其社交平台的粉絲已逾十萬人。梁浸浸轉眼間已經4歲，最近媽媽鄭希怡就上載同囡囡的日常對話影片，期間梁浸浸因媽媽獲批玩電話而興奮到跳起，十分可愛！
撰文：Kammy｜圖片來源：梁浸浸Instagram，鄭希怡Instagram
梁浸浸獲批玩電話超興奮
「小網紅」梁浸浸一直都深受網民喜愛，其父母都十分愛錫她。最近，Yumiko就上載同囡囡的日常對話影片，片中見到梁浸浸要問准媽媽先可以玩電話，Yumiko表示星期日先可以玩，梁浸浸聽過後就十分興奮，一邊講「Yeah可以玩電話」一邊興奮到跳起，超級可愛！
Yumiko其後問梁浸浸：「你可以玩幾耐電話呀？」梁浸浸答：「兩分鐘」。其後，Yumiko再問囡囡：「兩分鐘係咪好多呀？」梁浸浸答：「係！」更表示自己好開心，十分乖巧！鄭希怡留言：「星期天的約定 兩分鐘的快樂🍭 #今日係咩day呀 #聽日呢 #幾時到sunday #yeah #可以玩電話📲 #玩幾耐 #兩分鍾 #yeah #兩分鐘好耐呀👏🏼👏🏼👏🏼👏🏼👏🏼👏🏼 #每天都在期待星期天 @avery.leung」
梁浸浸4歲生日會 群星到賀熱鬧過頒獎禮
日前梁浸浸生日，Yumiko替梁浸浸舉行了一個彩虹主題生日會，一眾契爺同契媽都有出席，場面星光熠熠。4歲的梁浸浸身穿一條紫、紅色天鵝長裙，頭戴著一個花圈，像個小花女一樣，可愛動人。生日會以彩虹為主題，除了掛滿了七彩繽紛的汽球，媽媽Yumiko還準備了一個彩虹大蛋糕。
Yumiko留言：「亞浸，生日快樂！希望妳以後的人生，就算經歷大風大雨，也會安然渡過，看到一條雨後彩虹。冇帶小朋友而去參加小朋友生日會的，我認為十分偉大！多謝她的契媽s和uncle，auntie！」
