楊千嬅同囝囝齊坐經濟艙 網友讚冇架子
廣告
楊千嬅09年同丁子高拉埋天窗，之後喺2012年誕下囝囝丁進諾(Torres)，錫到個仔燶嘅千嬅，不時放假抽空陪寶貝仔。嚟緊楊千嬅會拍無綫劇《多功能老婆》，有排忙，所以佢趁開劇前趁住復活節假期，帶咗仔仔同埋啲同學仔一齊去新加坡同馬來西亞旅行，享受親子樂！
原文：東方新地│圖片：楊千嬅IG | 編輯：Sunday Kiss
楊千嬅 同囝囝齊坐經濟艙出遊
難得同囝囝旅行，楊千嬅都好開心，佢將旅行相上載咗到社交平台，最先係佢坐飛機經濟客艙自拍話出發，然後見到佢陪個仔喺主題樂園玩小型賽車，好有愛！
楊千嬅留言話：「每次學校假期和小丁去旅行，都見證着他的成長，同一個地方同一個景點，即使重複又重複，但仍是珍惜和感動，你快樂所以我快樂……兒童節快樂！小丁成長日記，同學仔旅行，happiness（開心）。」
網友大讚好媽媽+冇架子
千嬅去到邊影到邊，好享受今次嘅旅程！而不少網友睇到相片都大讚千嬅係好媽媽，除了因她放假陪囝囝去旅行，又話千嬅並冇因為自己係明星，而要求同囝囝單獨坐頭等機位，反而跟大隊同坐經濟艙，呢個做法唔會令兒子覺得比同學優悅或者高一人等，紛紛讚千嬅處理得好呀！
兒童節繼續全天候陪仔
外遊完，千嬅於5日上載咗數張照片，相中可見千嬅同老公陪囝囝去迪迪尼遊玩，佢留言話：「兒童節繼續，Daddy’s turn，1pm玩到9pm #小丁話佢有原力 #慢慢覺醒中 」
下一頁：思考型爸爸森美 從旁觀角度看子女
