楊采妮為孖B提前慶生 人妻姊妹團攜眷出席
撰文：Sunday Kiss
相片：梁詠琪@FB
楊采妮為孖仔提前慶生 梁詠琪、李心潔攜眷出席
日前，李心潔與梁詠琪攜家人為好姊妹楊采妮的一對孖仔提前慶生。Gigi在個人社交網站分享了合照，相中他們為孖仔準備了兩個可愛的卡通蛋糕，一班大人小朋友看來都非常盡興。Gigi留言話：「采妮的一對小兄弟出生後，我們4個姊妹們第一次難得這麼人齊的都帶著另一半和小孩，聚在一齊為小兄弟們提早慶生。Sofia面對著4個小弟弟，立刻變大姐姐啦！」
李心潔亦開心share了合照，留言話：「两位小兄弟提早庆生，难得让我们有机会从四方八面飞来相聚。感动，愉快，欢乐的时光真美好。」
網民大讚Sofia似爸媽，越大越靚女，仲封她為「小小女神」！
梁詠琪 多元催谷寶貝女
小朋友入學，有得揀梗係揀名校。除了歷史悠久、校風純樸、成績優越同埋講個名出嚟都威啲外，對不少原校畢業家長來說，子女可以入讀自己母校亦係一種情意結。眨下眼，梁詠琪女兒Sofia今個月底就滿三歲，亦係時候為入小學鋪定路，據知情人士透露，雖然丈夫Sergio是西班牙籍、Sofia從小就用英文與父母溝通，GiGi卻沒有打算讓Sofia入讀國際學校。反而因為自己從瑪利諾修院學校畢業，一心希望囡囡都做埋師妹，可以接受傳統本地名校教育。
全天候培育
Sofia係獨女，再加上媽媽曾經就讀係校友，分數夠廿分，想Sofia入瑪利諾可以說已經是十拿九穩，但係依家競爭大，校友都爭崩頭，所以Sofia開始認字、夠大入幼稚園，GiGi親力親為陪玩陪學並非谷識字計數，反而係多元發展，希望Sofia從玩樂中學會思考發揮創意。當其他星媽送仔女去playgroup、幼稚園，借別人之手教女時，一樣要開戲開演唱會的GiGi盡量陪在Sofia身邊，一收工一有時間即撲回家陪女。從其個人IG可見，GiGi會陪女整糕餅麵包、讀故事畫畫、廢物利用DIY勞作、還會經常母女陣去圖書館打躉，費盡心神揀有意義圖書同囡囡一齊閱讀。兩母女最新最愛書籍就相當有意義，是女性教育活動家兼諾貝爾和平獎得主馬拉拉的繪本。
