【迷人大眼睛】熊黛林首晒大女正面照 網民大讚：「遺傳爸媽所有優點」

撰文：C | 圖片：熊黛林IG

【迷人大眼睛】熊黛林首晒大女正面照 網民大讚：「遺傳爸媽所有優點」

今年年初剛為人母的熊黛林，今日在社交網首度曬出Kaylor的影片，片中只見被安全帶固定在座椅上的Kaylor，水汪汪雙眼，甜笑、嘟嘴、挑眉，人仔細細表情多多，好精靈。

有網民留言稱讚Kaylor，「好靚女, 眼睛大大」、「基因强大啊，集合爸媽所有優點」、「大眼妹妹」，有人則指Kaylor的眼睛像熊黛林，亦有眼尖網民指Kaylor手指很長，大個女肯定似足媽媽有模特身材。

熊黛林為愛女擺百日宴 孖女正面照曝光

日前，熊黛林（Lynn）與老公郭可頌（Ken）為一對雙胞胎囡囡舉行百日宴。昨日，熊黛林係社交網上載了照片同大家分享愛女滿月的喜悅，相中Lynn身穿紅色貼身裙，狀態甚佳，大晒產後弗爆身材。

熊黛林手抱著大女兒，大女眼仔碌碌似足爸爸；細女就由老公郭可頌抱著，細女肥嘟嘟好有肉地，似乎畀家姐重磅不少。原來，Lynn同老公一早幫一對愛女取好英文名，分別是Kaylor和Lyvia。一對愛女各取爸爸媽媽英文名字頭，好有心思，認真Sweet呀！