【孖女愈大愈唔似樣】熊黛林分享得意寫真 賀孖女一歲生日
撰文：Kayla｜圖片來源：Instagram、微博
熊黛林2016年下嫁藝人郭可頤胞弟郭可頌，2018年誕下一對孖女Kaylor和Lyvia，不時都會在社交網站上晒幸福同分享孖女的成長點滴。日前孖女一歲生日，熊黛林Po出多張相片，孖女換上多條裙仔，點影都非常可愛。
延伸閱讀：熊黛林大女可愛造型照 網民大讚「小美人」
延伸閱讀：晒孖女聖誕萌照 熊黛林︰合照真係好難影
熊黛林自嘲係「遲到慣犯」
名模熊黛林自從去年四月下為郭可頌誕下孖女後，樂做新手媽媽，有女萬事足。呢日，熊黛林遲到出席琦琦自家品牌活動，她連聲道歉並自言自從生B後復出就變咗「遲到慣犯」。有女萬事足嘅熊黛林，提起一對寶貝女就笑晒口透露，囡囡依家好得意，好好玩，會不由自主咁陪玩而忘了出門時間，所以成日都會遲咗少少。
熊黛林固然唔捨得寶貝女，所以佢就透露現在拍戲都要考慮時間啱唔啱。前提要留返時間湊女，仲話「BB日日唔同樣唔想錯過佢哋成長」。
作為名模星媽，好多網民都盛讚兩個寶貝女得天獨厚咁遺傳爸爸媽媽優良基因，熊黛林就透露一行行會嘗試畀機會囡囡一起去做模特兒，要等佢哋知道媽媽辛苦搵錢。
延伸閱讀：熊黛林無辜被財仔追數 揭發菲傭設計搏炒魷
49歲郭可盈全家齊慶生 熊黛林一家四口超吸睛
美魔女郭可盈49歲生日，佢喺微博分享了兩張與老公林文龍和女兒津津的溫馨自拍合照，並Sweet爆留言：「我要我愛和愛我的人，每年都一起《共同渡過》！」
雖然郭可盈近年已經淡出娛樂圈，亦甚少出席活動，連弟弟郭可頌與熊黛林結婚後話題度都高過佢。
不過，《刑事偵緝檔案》中的高婕，《談判專家》中的簡潔，網民對呢位TVB曾經家喻戶曉的當家花旦依然留在不少粉絲心中。而郭可盈劇中女強人的形象與她生活中的形象亦十分貼近。不少網民留言祝福「高婕」生日快樂！
現年49歲的郭可盈無論樣貌，身材都沒有太大變化，難怪一班網民紛紛大讚佢係「凍齡美魔女」！
郭可盈更晒出全家大合照除了老公林文龍同女兒津津之外，連弟弟郭可頌、弟婦熊黛林以及他們一對雙胞胎囡囡孖女Kaylor同Lyvi 都齊齊出席生日會，場面非常熱鬧！而枱面仲擺著三個蛋糕及大壽桃，仲有個巨型發光煎堆同「勁浮誇」拉糖絲超吸睛！
