【王菲大方埋單】12歲李嫣帶閨蜜掃名店 網傳行街兩粒鐘豪使10萬

撰文：C | 圖片：微博、網上圖片

【王菲大方埋單】12歲李嫣帶閨蜜掃名店 網傳行街兩粒鐘使10萬

近日有網友大爆王菲12歲細女李嫣再「炫富」，事由有網友發現李嫣好友的微博上載了多張與李嫣相關的照片。而最近的一輯相中，幾個小女生相約去名店掃貨，有眼尖網民發現原來有李嫣媽咪 王菲同行。

網友更爆出三個女孩在名店短短兩粒鐘就豪使10萬元，小小年紀的購物力引發熱議，更指全程由王菲大方埋單。

炫富三嬌 兩位閨蜜大有來頭

李嫣兩位小閨密都大有來頭，一位叫周巴黎今年13歲，在上海貴族學校讀書。

另一位係章子怡現任老公汪峰同前妻葛薈婕所生嘅大女「小蘋果」。

事後，三個小女生仲喺社交網晒戰利品炫富，包括逾萬元手機、名牌腰包、潮牌衛衣…

三位小閨密着短裙騷幼細長腿，佢哋被網民封為「腿精」。

早在中秋節前一日，就網民影到王菲同李嫣現身香港嘅相片，佢哋下榻中環一間酒店嘅套房，每晚房價盛惠約$5,700元，但周巴黎卻「嫌棄」酒店早餐唔好食！之後佢哋又搭私人飛機去澳門，咁啱謝霆鋒喺澳門工作，估計王菲帶埋囡囡去澳門陪霆鋒過節。

周巴黎又貼出坐私人飛機相，有網民以為私人飛機係佢爸爸嘅，不過周巴黎回覆網民澄清：「不是我家的私飛啦，只是我爸爸包了一架飛機飛去澳門而已。」

網友看後紛紛留言：「輸在人生起跑線」、「交友圈子跟普通人沒得比」、「當媽的過分寵溺了吧」等