老婆囡囡齊撐場 陸永演唱會囡囡上台擁抱爸爸
撰文：Sunday Kiss | 編輯：Kamen | 圖片：陸永@ig、Renia@ig
農夫開演唱會陸永老婆囡囡齊撐場
日前一連幾天是農夫十八歲生日演唱會，其中陸永的太太和女兒都有前來支持，Sim Sim更中途衝上台，但上到台又開始怕醜，攪住爸爸腳唔放！現場嘅觀眾都大聲呼喊Sim Sim嘅名字，睇嚟陸永囡囡嘅人氣同爸爸有得比呀！
演唱會後，陸永在後台一次過抱起兩個寶貝女，說女兒玩得很開心，又笑女兒simsim衝上台表演矜持，言行間充滿父親對女兒的寵愛。
超貼心生日禮物變空頭支票
早前陸永嫂Reina生日，陸永就送上一份「超貼心」的生日禮物，成功令Reina冧爆大讚老公貼心，仲留言話：「從來未收過咁sweet 嘅生日禮物！」。事隔一個月，當初大讚陸永嘅post竟然消失，取而代之係一張只有文字嘅相片，嬲爆咁話「嘥錢學車做乜都唔係為咗pass係為咗畀張收據我睇」，仲話決定代陸永送生日禮物俾自己－西藏之旅，仲留言話：「陸生湊女啦~」
Reina仲一連落4個hasttag「#嘥錢學車做乜都唔係為咗pass係為咗畀張收據我睇 #以後大時大節咪再送禮物#簡單啲直接啲好#我識得自己安排」，睇來Reina真係好嬲！老婆咁嬲，陸永就只留言話：「暫時不作回應，等我考到個車牌再拎住部相機自拍一張俾你」
雖然火藥味濃，但係相信Reina已經嬲完，仲上載兩公婆參加生日會嘅合照！希望陸永可以真係履行承諾啦！
陸永送超貼心生日禮物 太太被封「最幸福人妻」
10月初係陸永太太Reina個生日，佢就喺Instagram晒出老公送的生日禮物，並冧爆咁話：「從來未收過咁sweet 嘅生日禮物！」隨即一眾網友大直呼：「好甜！」、「甜到漏！」，仲被一眾網友封為「最幸福人妻」。
究竟「愛妻號」陸永送咗咩貼心禮物令老婆咁感動？之前見陸永成日有老婆接送，原來陸永一直唔識揸車唯有依賴老婆。今次老婆生日陸永就鼓起勇氣送驚喜：「日日見你咁頻撲，好攰好眼瞓，想幫輕下你又無能為力，所以鼓起勇氣去學揸車！」
除咗去揸車，陸永買咗部相機幫屋企三位「少女」留下美好回憶，「老婆，你講得啱，我係應該幫你同兩個女影多啲見得人嘅相，所以我買咗部相機報埋個攝影班！」真係Sweet到爆呀！
陸永 5 歲細女做捧場王 網民：「老竇跟阿女學嘢啦！」
陸永日前在 IG 上載一條細女 Simsim 聞歌起舞的短片，片中 年僅5歲的Simsim 聽住爸爸的新歌，好有節奏咁興奮熱舞，不少網民大讚她非常有天份，紛紛留言：「SIM真係表演能力極強」、「點解個 groove 可以咁襯」、「老竇學嘢啦！」
話說我老婆loop緊農夫首新歌，竟發現有人以粵劇打扮排緊舞！@missussix #究竟佢喺邊度摷件咁嘢出黎 #又點解會覺得襯隻歌呢
其實Simsim平時已經非常有表演欲，鐘意跳舞之餘，仲好鍾意自己琢磨演技，甚至指導父母配合。看來SimSim真的遺傳晒爸爸的藝術細胞！
