黎諾懿胡杏兒囝囝老友鬼鬼 齊齊催爸媽生豬B
撰文：Chloe | 圖片：lokyilai IG、hakkaphil IG
黎諾懿胡杏兒囝囝 催爸媽生豬B
昨日，黎諾懿同胡杏兒老公李乘德 帶同兩個寶貝仔Brendan與小春雞又再見面。隨後，黎諾懿喺社交網上載了一段影片，片中兩個得意囝囝Brendan與小春雞 老友鬼鬼坐喺波波池，似乎玩得不亦樂乎。
兩個1歲幾大 仲未識講嘢嘅小朋友坐埋一齊玩啲咩？Brendan同小春雞齊齊玩波波「邊玩邊笑」，之後似乎越玩越激動，唔知以為佢哋有拗撬。
黎諾懿仲幫呢條影片配上搞笑對白，就好似兩個小朋友係度爭吵「邊個媽媽先生弟弟妹妹」。
Brendan: 「我先有細佬妹啦！」Lugus: 「你講咩呀？我先有啦！」
Brendan: 「媽咪話一齊努力呀！」Lugus: 「好啦，等我催下媽咪爹D先！」
相比表情多多又精靈嘅小春雞，杏兒囝囝Brendan就一如既往咁超呆萌，真係好得意！
黎諾懿太太更轉載留言表示，豬年生B真係好趕，得返4個月就截止，仲叫老公：「真係要加油。」
黎諾懿自爆努力造「豬女」
黎諾懿早前現身廣告頒獎典禮，佢表示希望可以生多個女「呢個係明年最大嘅project，生個豬女，如果豬仔都OK，不過生埋呢個唔會再追」，仲大方透露依家已經「造緊嘢」，會全力以赴。
黎諾懿笑指歲半的囝囝峰峰比較痴佢，經常惹來太太的妒忌，這亦是他最值得驕傲的地方，仲試過「唔肯瞓」由凌晨三時陪他玩到朝早六時。
結婚周年送粒綠寶石戒指
之後，黎諾懿就透露今年拍咗八個廣告，仲話之前結婚周年送咗粒綠寶石戒指畀太太，希望下年可以送大粒啲。
Brendan垂頭喪氣地趴沙發
早前，胡杏兒老公李乘德難得分享了兒子的近照，雖然沒有正臉，但同樣搞笑。李乘德留言話：「Naughty boy got told off。」
照片中的奕霆Brendan穿著黑白條紋的連體褲，只見他將頭放喺沙發上，肉嘟嘟的小臉上似乎寫滿了「不開心」，就連雙手都是有氣無力的樣子。垂頭喪氣的Brendan，真係難得一見。
