【愛的宣言】胡杏兒結婚3週年 孖老公午夜放閃
撰文：Angel | 編輯：Chloe | 圖片：胡杏兒IG 、 李乘德IG
胡杏兒李乘德結婚3週年 午夜IG放閃
胡杏兒和老公李乘德今天午夜12時雙雙在IG放閃，原來是他們的結婚三週年皮婚紀念日。兩人都各自發了一張當年婚禮的照片，同樣是在對方說話時看著對方，很有「我的眼裏只有你」的感覺，十分浪漫。不過更浪漫的是兩人嘅「愛的宣言」，真係夠晒冧。
胡杏兒留言說：「Hubby, thank you for being my rock, my mentor in life, my problem solver, my entertainer, the father of my child and my lifetime partner. Happy leather anniversary! 」形容老公是她的支柱、導師、替她解決問題、娛樂家、孩子的爸爸和終生伴侶。
李乘德講客家情話
李乘德則留言：「Haven’t stopped smiling like a fool for three years now.Happy 3rd anniversary Mrs Lee 」話自己婚後呢三年不停幸福傻笑。祖籍客家的李乘德仲好有心思加了幾句客家情話，意思是：「咁快三年啦？時間過得好快！」
兒子Brendan也一歲大了。
李乘德Hashtag說時間過得好快，自嘲問照片裏的瘦男人是誰。雖然是圓潤了一點，但未至於認不出來啦，而且這才叫幸福肥呢。
黎諾懿胡杏兒囝囝 催爸媽生豬B
昨日，黎諾懿同胡杏兒老公李乘德 帶同兩個寶貝仔Brendan與小春雞又再見面。隨後，黎諾懿喺社交網上載了一段影片，片中兩個得意囝囝Brendan與小春雞 老友鬼鬼坐喺波波池，似乎玩得不亦樂乎。
兩個1歲幾大 仲未識講嘢嘅小朋友坐埋一齊玩啲咩？Brendan同小春雞齊齊玩波波「邊玩邊笑」，之後似乎越玩越激動，唔知以為佢哋有拗撬。
黎諾懿仲幫呢條影片配上搞笑對白，就好似兩個小朋友係度爭吵「邊個媽媽先生弟弟妹妹」。
Brendan: 「我先有細佬妹啦！」Lugus: 「你講咩呀？我先有啦！」
Brendan: 「媽咪話一齊努力呀！」Lugus: 「好啦，等我催下媽咪爹D先！」
相比表情多多又精靈嘅小春雞，杏兒囝囝Brendan就一如既往咁超呆萌，真係好得意！
黎諾懿太太更轉載留言表示，豬年生B真係好趕，得返4個月就截止，仲叫老公：「真係要加油。」
Brendan垂頭喪氣地趴沙發
早前，胡杏兒老公李乘德難得分享了兒子的近照，雖然沒有正臉，但同樣搞笑。李乘德留言話：「Naughty boy got told off。」
照片中的奕霆Brendan穿著黑白條紋的連體褲，只見他將頭放喺沙發上，肉嘟嘟的小臉上似乎寫滿了「不開心」，就連雙手都是有氣無力的樣子。垂頭喪氣的Brendan，真係難得一見。
