許紹雄囡囡21歲生日 透視裙性感慶祝

原文：東方新地｜圖片：instagram

許紹雄囡囡21歲生日

近日，藝人許紹雄的女兒許惠菁（Charmaine）21歲生日，不嬲愛錫女兒的許紹雄就當然同個女大搞生日派對，慶祝一番啦！當日派對上，除了有許紹雄一家人，佢哋兩公婆更邀請到圈中好友韓馬利、羅樂林及陳志健等人出席。

剛剛踏入21歲嘅Charmaine，同爸爸媽媽溫馨合照，老竇許紹雄亦有留言祝賀愛女：「我女兒Charmaine，祝你生日快樂、身體健康！」

許紹雄與囡囡感情要好

今年即將70歲的許紹雄，92年同新加坡籍的太太結婚後，生咗囡囡許惠菁，可謂老來得女，所以佢都好錫呢個女。雖然兩父女之間，年齡相差接近半個世紀，但都感情好好，完全無隔膜咁，Charmaine亦經常在IG放溫馨家庭照。

Charmaine同母異父哥哥

據知，許紹雄老婆之前原來仲有一段婚姻，育有一個兒子，但許紹雄都無介意，又好錫呢個仔。Charmaine都同同母異父的哥哥感情非常好，見佢特登由澳洲飛番香港同個妹慶祝生日就知啦～

Charmaine無打算入娛樂圈

星二代嘅Charmaine望落樣貌標緻，算得上係個靚女，以前就有網民激讚佢夠索，而且有入行發展的條件。據知囡囡喺浸會大學讀傳理系三年級，但就對娛樂圈嘅工作冇興趣，所以好似冇諗過入行。

傳統家庭 男主外 女主內

Benz 雄俾人嘅感覺係風趣幽默，但其實Benz雄一家係非常傳統嘅家庭，由太太負責去教育囡囡，Benz雄負責返工養家。 許紹雄 太太用「由緊到鬆」嘅教育方式去教導囡囡，佢哋認為小朋友細個有太多唔知，唔清楚嘅事，如果唔俾個框架比佢哋，小朋友就會感到混亂。許紹雄太太接受訪問時提到：「以我一對子女為例，我好注重佢哋嘅禮貌，會要求佢哋尊重別人，例如佢哋細個食飯時間一定要乖乖地食完飯先可以離開飯枱，唔可以食兩啖就走開，食兩啖又去玩。」佢表示太太嘅教育好成功，即時囡囡已經大個女，依然會同媽咪傾心事，分享自己所見所聞，喺而家嘅社會，其實好難得。

「young man」秘訣 緊貼潮流

Benz雄從事演藝事業多年，甚少去應酬，拍攝完就會返屋企。囡囡曾經係訪問表示爸爸吸煙會被自己罰錢，所以爸爸依家少咗吸煙。咁聽囡囡話，果然後廿四孝爸爸！Benz雄仲話因為囡囡嘅監管，而家做任何事都會適可而止。好多上咗年紀嘅人都願意接受新事物，Benz雄就唔係咁諗。佢係訪問表示「whatsapp好方便」，可以慳番長途電話費等囡囡用語音短訊聯絡。囡囡仲幫佢登記咗instagram帳號添！果然緊貼潮流！