【鐵探】「老戲骨」許紹雄大晒演技 戲外實為廿四孝爸爸

撰文：Kammy｜圖片來源：Instagram，節目截圖

「老戲骨」許紹雄從影48年

「老戲骨」許紹雄現年70歲，喺圈中有「綠葉王」之稱。1971年第1期無綫電視藝員訓練班，至今已從影48年，曾於《萬千星輝頒獎典禮》內，以《My盛Lady》香善男一角奪得「最佳男配角」，及憑《使徒行者》覃歡喜一角獲頒「最受歡迎電視男角色」，可見其演技獲得肯定。

同惠英紅鬥演技

近日播映《鐵探》，許紹雄飾演重階級觀念、高級警司簡國曙，出場第一集就已經超搶鏡，要楊明同袁偉豪明白自己係佢哋嘅上司，必須聽從佢嘅命令，完美演繹「老油條」上司嘅精髓。

戲內更同惠英紅超多對手戲，二人不斷有權力之爭，許紹雄更多次單打惠英紅，佢哋嘅明嘲暗諷，令觀眾睇得相當肉緊！

戲外係廿四孝爸爸

許紹雄喺電視界演活唔同角色，戲外佢就係個不折不扣嘅「好老公」、「好爸爸」。許紹雄同太太龍嬿而喺新加坡工作時邂逅，二人於92年結婚，婚後5年誕下囡囡許惠菁（Charmaine）。當時已經49歲嘅許紹雄可謂老來得女，所以佢都好錫呢個女，一家三口經常一齊親子樂。

雖然許紹雄同囡囡年齡相差接近半個世紀，但都感情好好，完全無隔膜咁，Charmaine亦經常在IG放溫馨家庭照。

許紹雄仲會同囡囡二人世界，一齊去睇戲食爆谷，就好似小情侶一樣！

去年Charmaine 21歲生日，許紹雄就同個女大搞生日派對，慶祝一番。當日派對上，除了有許紹雄一家人，佢哋兩公婆更邀請到圈中好友韓馬利、羅樂林及陳志健等人出席。老竇許紹雄亦有留言祝賀愛女：「我女兒Charmaine，祝你生日快樂、身體健康！」

傳統家庭 男主外 女主內

Benz 雄畀人嘅感覺係風趣幽默，但其實Benz雄一家係非常傳統嘅家庭，由太太負責去教育囡囡，Benz雄負責返工養家。 許紹雄 太太用「由緊到鬆」嘅教育方式去教導囡囡，佢哋認為小朋友細個有太多唔知，唔清楚嘅事，如果唔俾個框架比佢哋，小朋友就會感到混亂。

許紹雄太太曾接受訪問時提到：「以我一對子女為例，我好注重佢哋嘅禮貌，會要求佢哋尊重別人，例如佢哋細個食飯時間一定要乖乖地食完飯先可以離開飯枱，唔可以食兩啖就走開，食兩啖又去玩。」佢表示太太嘅教育好成功，即時囡囡已經大個女，依然會同媽咪傾心事，分享自己所見所聞，喺而家嘅社會，其實好難得。

「Young man」秘訣 緊貼潮流

Benz雄從事演藝事業多年，甚少去應酬，拍攝完就會返屋企。囡囡曾經係訪問表示爸爸吸煙會被自己罰錢，所以爸爸依家少咗吸煙。咁聽囡囡話，果然後廿四孝爸爸！Benz雄仲話因為囡囡嘅監管，而家做任何事都會適可而止。

好多上咗年紀嘅人都願意接受新事物，Benz雄就唔係咁諗。佢係訪問表示「whatsapp好方便」，可以慳番長途電話費等囡囡用語音短訊聯絡。囡囡仲幫佢登記咗instagram帳號添！果然緊貼潮流！