【真識生！】三個仔女都係學霸 葉玉卿心滿意足
廣告
一代性感女神葉玉卿息影嫁人後，過住超豪少奶奶生活，老公胡兆明係美國超市大王，婚後先後生咗大女胡芷欣、次子胡可聰及幼子胡以聰，一直專心相夫教子嘅葉玉卿，年過50都Keep得好好，而且三個仔女讀書都超叻，又係學霸級星二代！
撰文：Joanne 圖片：新傳媒資料室、網上圖片
大女考到6個獎學金
葉玉卿大女胡芷欣除咗盡得媽咪好身材而受注目外，其實讀書都好叻！
舊年高中畢業之後，就攞到6個獎學金，升讀名牌大學Union College（美國聯合學院）。
媽咪當年係性感女神，芷欣一樣都從不吝嗇喺ig 上晒身材。
三點式泳衣極常見。
芷欣高中嗰陣喺紐約讀私立貴族學校，連校園活動都好華麗。
二仔胡可聰今年16歲，講到讀書成績就比家姐更叻，更勤力！而家已經有晒全盤計劃，要考入長春藤大學，即係好似哈佛、耶魯、普林斯頓呢個級數嘅頂級名校！
至於細仔14歲嘅胡以聰，葉玉卿就話過佢係三個仔女中，最聰明嘅一個，讀咗咁耐書，只係試過兩次考試低於80分，相信佢將來絕對可以叻過家姐同哥哥！
