買Bra sales都話好誇張 符曉薇產後連升8個Cup
廣告
陳柏宇老婆符曉薇（Leanne）尋日（12/12）產後首次出席活動，做咗兩個月媽咪，已經適應咗新身份，最唔適應嘅，反而係身材突變，因為餵全人奶，上圍由C升至JJ，連升8個cup 呀！
撰文：Joanne 圖片：符曉薇ig
為囡囡健康冇計較
陳柏宇同符曉薇嘅囡囡Abigail已經兩個月大，因為Leanne係餵全人奶，所以身型都出現咗變化，上圍狂升8個cup，佢仲話而家好討厭自己個胸。
Leanne話本來都唔知原來係有JJ cup，喺陀B嘅時候已經升咗好多，最點知最近去買bra，個sales先畀個I cup佢試，點知都着唔落，原來已經升到去JJ，連個sales都話好誇張！
本來Leanne有諗過唔再餵人奶，但係考慮到BB嘅健康，真係咩都要放低！Leanne之前係C cup，而家升到JJ，都真係睇唔慣，想生完第二胎去縮胸，但係後來聽好多媽媽朋友講，收咗奶之後就會自然縮番細 ，先接受到呢件事。
Leanne仲話，因為個女係早產， 所以好難湊，成日都喊，又餐餐嘔，而家每兩個鐘頭就要餵一次奶，真係完全冇時間抖，而老公陳柏宇就掛住瞓覺，過咗頭一個月，已經冇幫手湊B，不過就仲識氹佢，讚做得好叻！
