貼地童星 譚真一 ：我唔係一哥！
「我又諗起你老婆 喇……」在電影《殺人犯》中，當時5歲童星 譚真一 (一仔)以陰森詭異的表情，演活患有不老症的殺人犯，至今仍令人 印象深刻。轉眼間，一仔已經13歲踏入青少年階段，就讀一間津貼學校中二。不少童星在此階段已 告別幕前專心讀書，但一仔仍活躍幕前，在剛播畢的 TVB 劇集《 親親我好媽 》中，飾演被富媽媽呂慧儀縱壞 的兒子 Oscar，在學校蝦蝦霸霸。一仔笑言自己在現實 中完全相反，讀書僅僅合格，但與同學打成一片，最大 優點是沒有脾氣，並一直緊記母親譚太的教導：「 拍戲你叫一哥，返到學校你只係學生 譚真一 。」 一仔5歲時被薛家燕發掘做童星，視拍戲為樂趣，只要符合「三不」條件：不影響學業、不與 踢波撞期、不阻礙與朋友出街，戲分多少都 無所謂，所以一仔深受 TVB 導演監製喜 愛，家庭觀眾就如看着一仔長大。
家燕媽媽 憑感覺發掘
很多童星由薛家燕(家燕媽媽) 一手發掘,包括譚真一和同劇的熊 子逸。一仔早於三歲之時,被家燕 媽媽在他就讀的幼稚園附近發 掘,家燕媽媽一看即對他充滿信心,推薦他拍攝劇集《師奶股神》,譚太對囝囝能做戲也半信 半疑,即管讓囝囝一試casting,結果出乎她意料。「嗰陣佢三 歲唔識字㗎嘛,我咪讀劇本俾佢聽,佢竟然可以同人講番晒對 白出嚟,監製就叫佢第二日開工。」譚太驚訝囝囝好記性及有 演戲潛質,問家燕媽媽如何看得出來,「感覺囉,我自己都係 童星出身,我知道佢係得嘅,我信感覺同緣分。」
不 久 遇 着 電 影《 殺 人 犯 》c a s t i n g , 譚 太 突 然 收 到 導 演 電 話 , 要求直接見一仔。「初初冇揀到佢,但劇組由大陸搵到東南亞 都冇人啱,導演再翻睇影帶先發覺一仔OK,就直接見佢再 casting。」導演睇中一仔有眼神,就此踏上「殺人犯」之路 ……
常被同學問候：諗起你老婆
5歲就要一人分飾兩種性格, 連大人都覺得具挑戰性,一仔當 時乖乖聽從導演的指導,並有媽 咪幫手睇劇本,但很多詞語譚太 都費事解釋,一仔靠記性去演繹。「咩叫委屈?佢都唔識,我將劇本嘅書面語用口語講俾 佢聽,佢就死記。」一仔對當年的拍攝情況已沒有太大印 象,連金句「我又諗起你老婆喇 ……」也只是他死記的對白 之一,沒想過一句對白紅足多年,至今仍會被同學問候「諗 起你老婆」。「返中學第一日,全校都知我係譚真一!」
隨着歲月長大,一仔可以自己睇劇本,中文閱讀程度 大有進步,「我閱讀理解快好多,其他科都快。」一仔一直視 拍戲為樂趣,只要有人搵,符合「三不」條件就會接拍:不影 響學業、不與踢波撞期、不阻礙與朋友出街,戲份多少都無 所謂。
怪獸唔理家長：合格就得
劇集《親親我好媽》除了扮中 學生的新演員吸睛,一眾童星亦 十分突出,包括一仔飾演的「小霸 王」肥仔Oscar,蝦蝦霸霸又懶 叻,但觀眾都認為這是父母之過,對他太溺愛而造成。一仔現實中的媽媽譚太自稱「怪獸唔 理家長」,但有部分地方似劇中的媽媽呂慧儀,「我都怪 獸,但係太過放手嘅怪獸,好多家長把口話唔理分數,其實 個心好在乎,我就真係唔緊張。我都有縱佢,但冇劇中媽媽 咁 野 蠻 , 佢 默 書 O K 都 會 獎 勵 佢 。」
考試合格、毋須留班,惟操行一定要高分,這就是譚太 對一仔的學習標準,一仔笑言自己成功達標!「計晒平時嘅測 驗我係僅僅合格,最高分係中史,因為我對中史好有興 趣,好似睇古仔咁,連廁所都會擺幾本中史書。」
低調做學生 返學唔簽名
一仔笑稱自己與劇中的角色 完全不同,絕不會寸人,「我係好 隨和,冇乜脾氣唔會嬲人,除非好 大件事,就算嬲都唔多過半粒 鐘。」不過返到學校想低調做學生都難,因為全校都知他是劇中的「死肥仔」,「好多人嚟我班房 門口睇我。」
在小學時期,一仔指同學很少談論他,因為同學好少睇電 視,只有家長間談論。惟他讀小一時正值《殺人犯》上映,有老 師要求一仔簽名,譚太就教他不能在上學時間做不合適的 事。「返學你係譚真一學生,唔係一哥,唔係童星,你同其他 學生平等,所以你返學唔可以幫老師同學簽名影相。」一仔牢 牢記着媽媽的說話,返到學校婉拒了老師,譚太感到安 慰:「老師後來同我講番,阿仔話自己返緊學,要放學先可以 影相,原來我講嘅嘢佢係明白。」
瑪利諾神父 無壓力
訪問在一仔放學後進行,一仔已經 做完功課,在家輕鬆打機,與媽媽商量 「今晚出街食乜好?」譚太話好少屋企煮 飯,多數出街食,阿仔默書高分就食好 啲。一仔稱平日好少功課,通常在學校 完成,之後就與同學踢波、出街玩,生活頗悠然自得,不似現 今的中學生生活,但他並非就讀國際學校或私立新派學校,只 是深水埗區津貼學校瑪利諾神父教會學校(下稱瑪利諾神父)的中二生。
升中時一仔派位欠佳,到瑪利諾神父叩門成功,一仔和媽媽心儀該校因讀書環境無壓力,是一間開心學校。「雖然呢間學 校係傳統學校,但校長比較新派、開明,唔會一味谷學業,佢 希望學生多元化發展。」一仔在該校兩年,讀書沒有壓力,校園 生活愉快,並加入足球隊做守門員,「想跑少啲,但又想參與。」 最近亦開始玩壘球,證明肥仔都可以好活躍,「我只係比正常肥 少少!」譚太更加入了家長教師會,幫助學校發展。
阿媽：不要擺款
傳統學校與壓力大並不畫上等 號,傳統學校亦各有教育方針,當 中有成績至上,亦有強調快樂學 習,家長只要選擇適合孩子的學 校,並調整自己心態,孩子在傳統學校都可以好開心。一仔成績雖然僅僅合格,但譚太收 貨,最緊要囝囝讀得開心,一仔揚言自己從未發力,中五 尾至中六就會為DSE發力,連校長都話:「家長你哋唔好咁 緊張,男仔通常遲啲發力。」
阿仔能否發力是未知之數,譚太未想到那麼遠,她知 道一仔懂得為自己打算。「佢係中學生,有自己思想,有自 己圈子,佢應該享受去玩先。」即使將來讀書不成,一仔仍 可利用演藝經驗尋找機會,為自己打個底,一仔對將來都 好豁達:「或者外國有球探睇中我,可以去英超踢波呢?」
無論讀書或拍戲,一仔都深受同學和台前幕後的喜 愛,與父母的感情更猶如死黨,能培養出一個有禮人緣好 的孩子,已是很多為人父母的心願,譚太寄語其他媽咪,切勿常擺出母親的威嚴。「唔好成日話自己係 阿媽,要同小朋友做friend,互相尊重;你要知 道佢做緊乜,但唔好控制佢,好似阿仔放學要 去街,咪由佢去,返嚟俾個電話我;但好似今 日我約咗你訪問,佢仲話要去街就唔得,做人要有誠信、有品格、有禮貌、要守時, 讀書唔好我唔怪你,但呢啲做人嘅基本一定要做得好。」
一仔成長圖集
