賈曉晨讚囡囡慳家 網民：小飯兜好可愛！
廣告
小朋友大得好快，好多時啲衫褲鞋襪好快就唔啱著，之後又會送畀其他朋友，但藝人賈曉晨（JJ）就冇呢個煩惱喇，事關佢最近喺社交網站度表示，囡囡「小飯兜」一件衫可以著足年幾，仲大讚佢慳家！不過，唔少網民就指小飯兜超搶鏡，仲大讚小飯兜愈大愈靚女，真係遺傳咗爸媽嘅優良基因！
賈曉晨讚囡囡慳家
藝人賈曉晨（JJ）於2016年同老公樊少皇結婚，並於一年後誕下囡囡「小飯兜」。唔經唔覺，小飯兜已經1歲8個月大，仲高大咗唔少添！不過，媽媽JJ就透露，小飯兜一件BB衫可以著好耐，仲由6個月穿到1歲8個月，大讚阿女夠慳！
網民大讚小飯兜可愛
賈曉晨上載咗兩張囡囡嘅對比圖，更指：「好孩子真給媽省錢，同一件衣服從6個月穿到1歲8個月。」相中見到小飯兜6個月大時坐喺BB高椅上，而另一張就係依家1歲8個月大時影，當時小飯兜嘅打扮完全同6個月大時一樣，件衫仔都尚算合身，但Pat Pat部份就已經包唔到尿片。唔少人見到小飯兜嗲住愛犬都覺得佢好可愛！
遺傳優良基因
早前，賈曉晨喺微博上載囡囡小飯兜嘅近照，囡囡深得到父母嘅優良遺傳，皮膚白白滑滑，眼睛大大咁。雖然人仔細細，但已經好識得甫士影相，仲將手指仔放唇邊影相，真係好可愛！就連媽媽都笑住話「這是性感嘴唇pose嗎？」
一睇就知小飯兜係美人胚子，唔少網民都大讚小飯兜係「小美人」，仲話佢愈大愈靚女，相信佢大個之後同媽咪一樣咁靚女！
