車婉婉大隻B仔14個月大 眼晴瞳孔似混血嗲哋?
廣告
上年，藝人車婉婉就為中澳混血老公Jonathon Quinlan誕下混血B仔Justus，仲有個得意乳名叫BBQ，重8磅9安士母子平安，正式升呢做媽咪。最近，車婉婉就帶住囝囝去波波池慶祝14個月大，而喺相中見到BBQ對眼唔似亞洲人瞳孔，唔通似混血嗲哋？
撰文：東方新地｜圖片：車婉婉Facebook | 編輯：Sunday Kiss （原文刊於：東方新地）
車婉婉囝囝瞳孔似混血嗲哋？
而家43歲嘅車婉婉，上年為中澳混血老公誕下混血B仔Justus，乳名BBQ。近日，車婉婉就帶咗14個月大嘅囝囝去波波池玩。出緊牙仔嘅BBQ眼仔碌碌，識醒目望鏡頭影相之餘，仲見到B仔對眼可能遺傳咗嗲哋混血兒嘅瞳孔，睇落灰灰綠綠咁，加埋個髮型，幾靚仔！
原來BBQ已經有25磅重，而媽咪車婉婉就表示自己條腰頂唔住，而家接受緊治療，仲呼籲咁多位媽咪要注意抱BB嘅姿勢，相信車婉婉可能係抱B姿勢唔正確，而整親條腰。睇嚟車婉婉自己以後都要小心啲呀！
車婉婉自嘲高齡
上年車婉婉42歲，但仍無懼屬於高齡產婦誕下BBQ，所以佢而家不時都會以「高齡日誌」做主題，喺個人社交網分享育兒經驗或BBQ近況。之前，佢就大讚BBQ個生理時鐘非常穩定，每晚大概8點幾就訓教，朝早大概7點就會起身，照咁睇BBQ都應該幾好湊。
