車婉婉囝囝出玫瑰疹 腳仔軟軟站不穩
廣告
車婉婉去年以42歲高齡順利誕下可愛兒子「BBQ」，榮升為人母。有仔萬事足的她，經常透過社交網分享生活點滴，不時會以《高齡日誌》為題分享湊B心得。近日，她分享囝囝出玫瑰疹發燒數日的情況，令愛子心切的她擔心不已。
撰文：Sunday Kiss
圖片：車婉婉@FB
車婉婉勁擔心 囝囝出玫瑰疹發燒
早前，囝囝突然發燒令車婉婉擔心不已，原來BBQ之前未發過燒。
車婉婉外出工作卻歸心似箭，佢表示自己終於深深體會到成語「衣不解帶」的意思。
近日，車婉婉在凌晨分享了一張和囝囝的合照，相中BBQ悶悶不樂，婉婉留言話：「這個新年前後其實Q氏都在為安撫BBQ而忙碌不已，平時好少扭計的BBQ，突然變成十分腌悶，成日都要黐住我；平時好動又喐身喐勢的BBQ，突然腳仔軟軟站不起來，仲成日戇居居咁；平時好為食嘅BBQ，已經有四日吃不下正餐，陰功豬成個人瘦哂⋯Q MaMa擔心之餘身心俱疲，但一直在鼓勵自己不要病倒，感恩so far okay!」
車婉婉解釋：「之前BBQ發燒，原來係有下文嘅！因為佢退燒之後成身出晒D紅疹，經有經驗人士（我細佬）認證後，總結原來佢生玫瑰疹。」
同時，佢留言話：「原來出玫瑰疹係會高燒大概3日再出疹大概三日，小朋友才會慢慢的好起來，現在BBQ已經漸入佳境，今天正餐都能吃下 ，Q MaMa真的非常開心，真係要食番多D補番先得」亦有唔少網民留言表示自己的小孩出玫瑰疹發燒的相似經歷。
車婉婉心痛囝囝成個瘦晒
車婉婉愛子心切也不忘講笑，囝囝好番後，佢又上載咗一張BBQ背面照，並留言：「講個秘密比大家知， BBQ今次病完之後，瘦得最緊要嘅部份係⋯⋯個 Pat Pat」
幸好只是虛驚一場，巨B「BBQ」身體底子好，話咁快又跟住媽媽出動同杏兒姨姨以及Brendan弟弟團拜。相中兩位公子似乎唔多配合，表情十分搞笑。
