鄧英敏教孫讀好廣東話 混血三代同堂

人兼舊同學、澳洲人樂深（Andrew），三年抱兩混血B樂然（Maddox）及樂天（Luca），Shermon婚後暫別娛圈，做全職媽咪湊仔。

鄧英敏有名English Tang，英語溝通當然無問題，不過貴為金牌司儀的他，對廣東話要求高，希望兩個乖孫在港生活，能好好學習本地語言，湊孫時順道灌輸中文知識，打好基礎。

洋人三父子改中文名
兩個混血小朋友Maddox和Luca一副鬼仔樣，但都有中國人基因，首先改個中文名。爸爸Andrew全名AndrewPhilip Joy，在中文大學修讀廣東話課時，為自己改了中文名「樂深」，「樂」由姓氏Joy演變，「深」指做人要有深度。兩個仔Maddox和Luca的中文名「樂然」、「樂天」， 則由Shermon取名，意指「快樂悠然，樂天知命」，做人最緊要健康快樂。公公鄧英敏大讚兩個名改得好，「Shermon改名好叻，屋企五隻狗都係佢改，Coffee、Milo、Mocha……」

Shermon讀國際學校出身，Andrew是澳洲人，一家大細都是英語溝通，而敏哥貴為金牌司儀，對中文發音有要求，教中文的責任就落在他身上。「我絕對相信兩個孫發夢一定講英文！所以平時同佢哋他相處時，會講多啲中文，例如呢架係『車』，慢慢重覆講多幾次『車』，俾佢聽多啲就知呢架係車，唔係car，要俾埋個口形佢睇。」

(左)Shermon的丈夫Andrew是澳洲人，但早已紮根香港，中學就讀英基英皇佐治五世學校，11歲就認識了同班同學Sherman，不久拍拖相戀至今，建立幸福家庭。雖然敏哥起初不看好，叫她不用太認真，最後卻能開花結果。
(右)大仔Maddox古靈精怪，喜歡戶外活動、唱歌跳舞，似足父母外向的性格；而細仔Luca較文靜淡定，單是坐定定已很高興，毋須太多人陪伴。

改善懶音注意鼻音
敏哥以前教Shermon，執得更嚴謹，她一直就讀國際學校，再赴澳洲讀大學，英文叻過中文，2005年大學畢業後，參選港姐奪得「最上鏡小姐」入行，之後在TVB六年拍過逾十部劇。拍劇要講大量對白，敏哥就常與女兒對劇本，「佢一入行就拍《高朋滿座》，同鍾景輝、鄭丹瑞、伍詠薇做一家人，佢半個鬼妹，有啲字佢都唔識睇，一得閒就捉住我對劇本，我就乘機教佢講好廣東話啦，呢個字要有鼻音，呢句有大聲細聲，呢個名詞、四字成語又點解，咁難得機會！嗱，呢個『難』字都有鼻音㗎！」

敏哥與筆者一邊談話，亦一邊教我讀正音，猶如上了一節廣東話課。「平時講嘢唔使咁造作，但起碼要知囉，好多人都多懶音。兩個孫就未啱timing，啱啱先返學接觸廣東話同普通話，講嘢都唔正，等佢大約六歲返小學先執正啲。」

Shermon由女兒變成母親，主要是責任上的改變，「以前唔會諗得太遠，覺得無憂無慮，但依家事事以兩個仔行先，盡量放最多時間照顧佢哋。」

報八間本地校全取錄
有中文名、有公公教之餘，在本地學校返學，中文根基才會打得好。Shermon為他報了六至八間本地學校，全數獲取錄，她估計囝囝性格取勝，「佢唔係怕醜仔，但亦坐得定，俾本書佢可以坐定定睇晒，都算有耐性。」Shermon一心為囝囝報本地學校學好中文，學費亦比國際學校平一大截，「我想兩個仔識廣東話，之後學埋普通話，英文佢哋一定冇問題，暫時都想佢中小學繼續行本地路線，睇吓佢哋讀得開唔開心，keep唔keep up到中文程度。」

Maddox就讀將軍澳一間本地學券幼稚園K1，已融入校園生活，Shermon說：「開咗學幾個月，佢開始返嚟會唱中文歌，『爸爸切切切，一個大麥包。』成首歌唱晒出嚟！但佢啲中文發音唔係好正，有時好似英文，又好似中文，睇番課本先知佢唱乜。佢同先生本身都識少少廣東話，主要都係講英文，但依家我同先生都要同佢講多啲中文。」

兩兄弟正慢慢學習中文生字，行超市、食飯時，父母都會講出食物中文名稱。

女兒產子 阿媽抑鬱
Shermon婚後暫別幕前做全職媽媽，有時都會掛念拍劇日子，不排除幾年後復出，「有時都會追劇或睇雜誌，見到舊同事同一班朋友，耐唔耐就諗番拍劇嗰份團隊精神，不過小朋友
仲細，我未認真plan。」敏哥大讚女兒投放101%心機在湊仔上，「佢好犀利㗎，24小時貼身照顧小朋友，本來太太可以幫手，佢都唔使，乜都自己搞掂！」

敏哥太太Winnie在女兒婚後修讀陪月課程，未雨綢繆，讀完就得知女兒懷孕三個月，正好大派用場，但女兒誕子後，有產後抑鬱的竟是Winnie，敏哥無奈道：「Shermon生完唔使我太太幫手，所以咪唔開心有抑鬱囉，我練好一身武功，你竟然唔使我幫手？坐月都俾我幫你補吓吖！唉，佢鬼妹仔點會同你講補，同你講黃酒啫。」敏哥不用輔導女兒，反而要開解太太「產後抑鬱」，「Shermon產前幾個月，我哋已浸定黃酒，仲去上水請教一啲太太，買咗糯米同靚米酒返去浸，依家仲有成大缸，惟有天氣凍我哋飲少少，飲廿年都飲唔晒。」

密密短訊約飯聚
敏哥是一家人的精神支柱，努力維繫三代感情，必須多聯絡、多溝通，「我哋一星期會見一兩次，雖然住得近，但都要俾空間佢哋，唔可以日日霸住要見，佢哋都好忙，我會盡量喺我哋個WhatsApp group寄短訊，『喂，我邊幾日得閒喎，不如大家食餐飯？邊個得閒就join啦！』至在見面影兩張相，我就最鍾意影相，有時拎嚟睇下，幾有意思呀。」

看着Shermon與兩個乖孫，敏哥也感到時代變遷，「最主要身份唔同啦，Shermon主要唔係我湊，都係太太湊，男主外女主內，我嗰陣比較忙，好彩Shermon容易教，起碼嗰個年代冇手機。我哋都有安排好多戶外活動俾佢，放學去練琴，一陣又去邊度學游水，都好多嘢學。依家湊兩個孫呢，心情就唔同喇，主要同佢哋玩，俾番Shermon教啦。」

公公婆婆好榜樣
敏哥年屆60歲，但他指人有四種年齡：身份證、身體、心理及社會年齡，他身份證是60歲，但自言身心有活力，身體年齡只有30歲。「我每年都有身體檢查，全部都合格，我生活、飲食各方面都健康。我心理同社會年齡就大啲啲，我比較成熟，處事圓潤，為人隨和，鍾意上和下睦，我自小已經係咁，做領袖，做班長。」

在Shermon心目中，爸爸一直是她待人處事的最佳榜樣，「佢係好勤力、好負責任.爹.，.我同細佬.成長期，佢不斷做.，日夜顛倒。爹.一切由零開始，靠自己儲起每分每毫，確保一家人有舒適生活。喺佢身上我最得益，係佢對人對事嘅態度，上至大明星，下至掃地阿嬸，佢都好開心去打招呼，對佢哋好好。我都希望能夠將呢份態度，傳俾Maddox同Luca，你想人哋點對你，就要點樣對人。」

五招養生之道
敏哥揚言自己身體年齡比外表年輕一半，充滿活力，他傳授了五招養生之道「水運睡營心」，每日做多少少，身體自然會好。

水： 多飲偏熱暖水，一日不只飲八杯水， 而是排八杯水，隨身攜帶暖水壺，半夜亦可放床頭，如廁後亦飲少許，身心舒暢。
運： 做適量運動，推介急步行，出少少汗，平日多行街，「樹枯根先竭，人老腳先衰。」尤其老人家必須多走動。
睡： 從枕頭找出健康密碼，可摺起毛巾鋪枕頭面，最好選浴巾，夠厚實。房間環境最好全黑，有利睡眠質素。
營： 多吃有營養食物，多菜少肉，可多喝奶粉補鈣質，減少咖啡因飲料。早餐兩個生果， 再加車厘茄或提子等，午、晚餐食一碗飯足夠。

心： 心情最重要，很多患癌人士， 抱着樂觀心情都能戰勝病魔，總之做人平常心，切勿太緊張。

●撰文：Ling ●攝影：黃大立（部分相片由受訪者提供）
●場地： Woodland Pre-Schools@Sai Kung（tel：2813 0290）