關禮傑兩個女顏值超班 大女關楓馨好搶手！
廣告
大台深夜正在重播超長篇劇《珠光寶氣》，劇中飾演陳啟發的關禮傑，今年已經56歲，除咗因為保養得宜，凍齡樣貌惹人羨慕之外！生咗兩個「靚女」，都應該係佢人生中其中一個偉大成就。近日有傳大女關楓馨（Fabienne）將加盟大台，唔知將來係咪真係有機會睇到佢哋父女檔上陣？
撰文：Sunday Kiss 圖片：關禮傑 微博、關楓馨 Instagram、新傳媒資料庫
兩個女顏值超班
關禮傑兩個女楓馨（大女）同楓盈（細女）都深得父母遺傳，顏值夠高！早幾年，楓盈仲有啲肉地，而家大咗，修咗身，識大扮，唔同哂喇！
兩姊妹合照，女大真係十八變！
對於囡囡楓馨受到大眾關注，關禮傑表示並不意外，好感謝支持者對囡囡嘅喜愛。希望囡囡面對觀眾時，唔會太怕醜，同時亦期待佢多啲接觸社會唔同事物。
關氏一家感情好好，成日都會一家人一齊去旅行。
1月個月前至一齊去大阪玩！
楓馨身材好，樣貌標誌，絕對有殺入幕前嘅本錢，所以近日有傳大台重金力邀楓馨加盟！
喺眾多星二代當中，23歲嘅楓馨亦受得一眾公關同客戶歡心，有傳楓馨而家出騷已經有成5萬蚊！喺星二代嚟講算係好高！
楓馨平時都好斯文，呢類水着相，喺佢個人IG都算罕有。
身材樣貌都咁出眾，所以搶手都好正常啦！
有傳大台喺2016年就已經睇中楓馨，想斟佢參選港姐，不過當時楓馨未讀完書，所以不為所動。
修讀教育嘅楓馨，兩年前已喺英國大學畢業。屋企人同男朋友Kris都有一齊出席畢業禮！
如果當年楓馨真係有參選，冠軍會唔會係佢同馮盈盈爭呢？
楓馨同外藉男友Kris成日出雙入對，經常都有出席關家嘅家庭聚會，相信Kris都已經過咗「見家長」呢關！
