陳倩揚宣布第三度懷孕 一家4口開心迎接新成員
廣告
陳倩揚（Skye）與老公結婚7年，已經生咗羲廷同羲穎兩個囝囝。今日倩揚宣佈懷上第三胎，預產期係今年7月，幸福滿滿的一家4口開心迎接第5位家庭成員。
撰文：Sunday Kiss
相片：陳倩揚 Skye Chan @Facebook
倩揚喺FB上大曬家庭合照，羲廷同羲穎兩兄弟用行動證明十分期待新生命來臨。倩揚透露：「兩個哥哥已經非常期待弟弟或妹妹嘅來臨，佢哋仲開始將自己心愛嘅玩具、衣物分給BB，好有愛。」
屋企再添一員，倩揚話：「我同老公一直都都鍾意大家庭，所以都有計劃可以生多一個小朋友，我哋都好開心踏入新一年，可以同大家分享呢個好消息，我好感恩同珍惜能再做媽媽嘅緣份，感謝身邊每一位各位親友、粉絲、網友嘅祝福。」
與丈夫陳浩然結婚7年，月初一家4口共赴北海道慶祝與老公相識15週年紀念，順便慶祝細仔3歲生日。
提及工作安排，倩揚無意停工，佢係接受訪問時表示，對懷孕期間工作已有豐富經驗，因為已經係第三胎，自己絕對可以勝任。不少客戶知道佢有BB，不但沒顧慮或猶豫，開工時更貼心的提醒我不要穿太高的高跟鞋和記得要飽肚工作。養3個小朋友開支不少，作為媽媽佢會繼續努力工作！
