陳凱琳旅行晒巨肚 與老公隔空傳情：他喜歡我懷孕時的光芒
廣告
藝人陳凱琳（Grace）自宣佈有喜之後，不時都會喺社交網站上分享近況，最近陳凱琳仲大住個肚去越南度假，仲上載喺當地度假屋食早餐嘅相，早餐都食得非常豐富，唔知係唔係有咗BB之後胃口大咗？
撰文：Kayla｜圖片來源：Instagram
目測陀B 7個月
除咗美食相之外，陳凱琳仲分享咗一張側身相，個肚目測就有7個月，但見陳凱琳身型冇乜走樣，就知係今胎係「肥B唔肥人」。
雖然陳凱琳就冇講明同邊個去旅行，但佢就甜絲絲地留言話：「When he tells you he loves your pregnancy glow（當他告訴你他喜歡我懷孕時的光芒）」，就知佢一定係同老公鄭嘉穎講，Sweet爆！
姊妹隔肚摸B超溫馨
陳凱琳最近頻頻出席活動分享陀B心得，過年前就同一班「少婦聯盟」成員，包括龔嘉欣、譚凱琪同沈卓盈，齊齊提早打邊爐，食團年飯。阿B仲有幾個月就出世，唔知「少婦聯盟」嘅姊妹會唔會榮升契媽呢？
鄭嘉穎 陳凱琳BB性別曝光
鄭嘉穎同太太陳凱琳之前喺社交網開心宣布BB性別，原來今次Grace一索得男呀！恭喜晒！
鄭嘉穎搞笑報喜「衰仔！我等你」
