【閨蜜都係女神級】陳凱琳傳3月生得 大搞Baby Shower留倩影
撰文：Kayla｜圖片來源：Instagram
陳凱琳喺圈內出名人緣好，拍親劇集都可以識到一班好姊妹，就好似因為拍攝《平安谷之詭谷傳說》而組成「少婦聯盟」咁。
而同樣已經做咗媽媽嘅賴慰玲亦有喺Instagram留下感想：「話你有咗🤰🏻要send隻雞蛋俾我，點知你好快就send 咗🐣我第一時間去搵你，見你摸住一個平坦嘅肚 ，我不敢想像你要當媽。到今日你摸着個大大嘅肚，話佢好曳不斷踢腳仔，話對佢有一種好特別嘅『愛意』，我還是想像不到你要當媽。跳過你當媽的樣子，我開始想像兩個小朋友，在公園走來走去玩到好大汗，衝過嚟嗌：『媽！我想飲水』，你果個可能嗌：Mom I want water，然後我哋拎個水樽出嚟，再幫佢地抹汗。」
陳凱琳日前同「少婦聯盟」一班好姊妹飯聚，提早食團年飯。現時懷孕6個月嘅陳凱琳，個肚已經非常明顯，成班姊妹仲一齊摸住陳凱琳個肚，場面非常溫馨！現時已經陀B 6個月嘅陳凱琳，個肚已經非常明顯，阿B仲有幾個月就出世，唔知「少婦聯盟」嘅姊妹會唔會榮升契媽呢？
鄭嘉穎 陳凱琳BB性別曝光
鄭嘉穎同太太陳凱琳之前喺社交網開心宣布BB性別，原來今次陳凱琳一索得男呀！恭喜晒！
鄭嘉穎搞笑報喜「衰仔！我等你」
Anjaylia、陳凱琳大住肚 出席賴慰玲兒子一歲生日會
陳凱琳、陳嘉寶（Anjaylia）一向同賴慰玲感情要好，就算大住個肚都要出席契仔的生日會，睇返賴慰玲喺Instagram上分享的相片，Anajaylia著得非常密實，加上影相時係側住身企，所以睇唔出Anjaylia已經懷孕8、9個月。
而另一個大肚婆陳凱琳除咗同老公鄭嘉穎一齊出席，仲親手整咗個蛋糕賀契仔Marat一歲生日，不過Grace兩公婆就冇一齊合照，似乎刻意分開影相，唔想搶咗壽星仔風頭！
鄭嘉穎同賴慰玲因為拍攝《殭》而成為咗好朋友，而鄭嘉穎同陳凱琳亦都因為同一套劇而定情，對佢哋3個嚟講真係非常有意義！
「星二代」同樂會
除咗以上幾位，藝人孫慧雪、楊潮凱都各自帶同囝囝囡囡一齊參加Marat生日會，賴慰玲留言話，希望依班「星二代」會好似爸爸媽媽咁，「一同成長，做個好朋友」。
