陳國峰B仔搞百日宴 囝囝眼大大似公仔
廣告
《超級巨聲2》隊長陳國峰上年跟拍拖八年的女友黃思雅註冊結婚，今年九月終於造人成功，為陳家迎來囝囝陳梓燐（Regan），人稱「峰之子」。話咁快「峰之子」已經出世100日啦！國峰日前為囝囝舉辦百日宴，B仔眼大大好似公仔一樣，萌爆全場！
撰文：Sunday Kiss
圖片：hugepenny，violet_wing@Instagram
陳國峰B仔搞百日宴
陳國峰(Penny)囝囝「峰之子」今年9月出世，話咁快已經出世100日，日前家人為B仔舉辦百日宴，仲特別訂製咗一個卡通造型蛋糕慶祝，蛋糕上嘅BB人型公仔同「峰之子」似到十足，好可愛呀！Penny仲罕有大晒全家福，你又覺得BB似爸爸定媽媽多啲？
Penny亦為「峰之子」悉心打扮，著上恤衫，白色冷衫再打埋煲呔，好醒神呀！
再睇埋蛋糕上嘅人型公仔，連套衫都襯到絕，非常有趣！Penny自己都話：「有個咁靚咁特別嘅蛋糕 ，真係特別高興」
老婆阿Wing亦有分享當日照片，見Penny同老婆頭貼頭，相當甜蜜。
峰之子喊不停 陳國峰 扮喊止哭
雖然Penny係新手爸爸，不過佢對於令囝囝停止哭鬧都有一套自家方法！日前他在IG上載咗一段抱住「峰之子」嘅影片，大唔透的Penny見囝囝喊，於是同佢鬥喊，的確囝囝見到爸爸喊收起喊聲，Penny搞笑留言話：「想佢唔喊，你就要喊得勁過佢！不過都係餵奶最實際。」實行「以喊止喊」呀！
奶爸上身
陳國峰同老婆阿Wing婚前婚後都經常放閃，不時拍拖去旅行，仲會上載到二人嘅IG，認真甜蜜！最難得是二人婚後好快造人成功，阿Wing一索得男，真係可喜可賀。大家咪睇陳國峰平日做節目好識搞笑，其實佢都有穩重的一面，平日在家都有幫手餵奶、換尿片，手勢純熟！
