【爸爸去哪兒？】女兒7歲生日 陳自瑤獨自整雙層蛋糕慶祝
撰文：Siusiu｜圖片來源：陳自瑤Instagram、微博
王浩信和陳自瑤近年各有各忙，少有在公開場合一起露面，日前喬喬7歲生日，媽媽陳自瑤就算忙於拍劇，都抽空為愛女整生日蛋糕。蛋糕以卡通《少年悍將GO！》為主題，功架完全拍得住大師傅，非常厲害。
陳自瑤親手整蛋糕，惟爸爸王浩信未見蹤影。早前有傳二人因為工作關係早已分居，未知喬喬生日，王浩信又會否抽空幫囡囡慶祝生日？
取消家庭旅行
王浩信早前曾指會安排時間，在復活節跟陳自瑤和女兒王靖喬去日本旅行，不過當時陳自瑤出席活動時，被問到何時起行，她就回答暫時未知是否成行，要再計劃一下。陳自瑤指，女兒對旅行擱置沒有失望：「佢都冇投訴，已經習慣晒，自己有時間都會陪住佢。」
王靖喬是個愛美女孩，陳自瑤指她不時都會拿媽媽的護膚品、唇膏為自己扮靚，更會偷穿媽媽的高跟鞋，陳自瑤見狀便馬上替女兒拍照，留下美好回憶。
屢傳婚變 陳自瑤要離婚？
結婚8年，經常都傳出王浩信同陳自瑤兩公婆婚變嘅傳聞，主要係因為王浩信先後同黃心穎、江嘉敏、蔡思貝等傳緋聞 ，令陳自瑤信任全失。去年12月再有消息傳出，儘管王浩信終願修心養性，但卻無法再挽回陳自瑤已死的心，更指陳自瑤已着手辦離婚手續。
08年拍《野蠻奶奶大戰戈師奶》，陳自瑤邂逅年輕兩年的王浩信，拍拖3年即結婚，當時王浩信的名氣不及YoYo，但二人決意早早成婚。
以為結咗婚，生埋女，就會定性啲，可惜男方於婚後依然緋聞不絕，緋聞對象更是轉完又轉。
為免影響老公如日中天的事業，和保持專一的正面形象，陳自瑤只好默默承受。
去年6月再傳出二人離婚的消息，陳自瑤在出席活動時，親身為離婚事件解畫，陳自瑤一口氣提出三點澄清：「一直首先，冇提出過離婚；第二，我冇趕老公出門口；第三，我小朋友依然同我哋住一齊，好多各方面新聞，覺得唔係事實，亦覺得好笑。」
有報導指，自從跟江嘉敏的緋聞過後，王浩信終於浪子回頭，更跟好友伍允龍返教會尋找婚姻輔導，不過陳自瑤卻拒絕接受。因為陳自瑤對老公心已死，感情轉淡，決意不再留戀，堅決離婚。
承認一個住樓上一個住樓下
記者問陳自瑤係咪已分居？陳自瑤話：「冇分居，(樓上樓下住？)其實係冇呢件事，不過可能係佢有個office，佢依家除咗拍戲工作外，仲有一啲生意，所以搵咗個地方做office，當然喺屋企唔方便，可能因為一件咁樣嘅事，令到大家有咁樣揣測。」即係樓上樓下？「係呀，我知道今日會見大家，所以咪希望一次過講，唔再再逐回應。」陳自瑤拒用「恩愛」形容同王浩信夫妻關係，話只係「老夫老妻」。
少在IG放閃
陳自瑤同王浩信早年不時晒恩愛合照，但近兩年少之又少，加上陳自瑤近月連發出充滿正能嘅post，包括上月30日呢句：「圓規為甚麼可以畫圓？因為腳在走，心不變。你為甚麼不能圓夢？因為心不定，腳不動。奇蹟，還有個名字叫努力！」「最大的放生是放過自己！」結果惹人猜疑！
陳自瑤解釋：「其實一直寫嘅係文章分享，如果針對文章嚟幻想另一啲嘢，copy前copy後嚟講，係斷章取義，我冇咁嘅意思。(會唔會考慮放多啲夫妻合照放閃？)其實我哋不嬲都少post嘅，加上呢排我又要拍劇啦。」
王浩信忽發文：感恩今日太陽終於出返嚟
那邊廂，就喺老婆出席活動前三小時，王浩信喺instagram貼出一張陽光普照風景相，留言：「無論任何人的關係都是一面鏡，它映照了你的本質，好好感恩你每一天仍然能夠存在，去感受，去活着，去愛，去驗體狂喜，我就感恩今日太陽終於出返嚟。」原來太太之後在活動澄清婚變傳聞，難怪心情大好！
王浩信慈父上身 網民問：你老婆呢？
盛傳婚變的王浩信，日前在ig上載同囡囡畫畫嘅相，一副好爸爸的模樣！有網民即問﹕「where is YOYO？」、「你老婆YoYo呢？點解成日唔見post她…」
講友誼
講完囡囡，王浩信又喺ig上載一張同男友人新、舊對比相片，他以英文留言﹕「真正的朋友，真正的愛。左邊的相片是現在的我和朋友的模樣，而右邊那張相片是17年前，我們在西雅圖拍攝。時光飛逝，但我們依然友誼永固，望着他，覺得所有經歷也像昨天發生，只充滿着愛和歡樂，超越國家和言語的界限，恭喜你走進人生新的一頁，為你感到高興」朋友似是即將結婚，但王浩信屢傳離婚！
True friend, true love. That’s me and my friend now on the left and 17 years before when we were back in Seattle on the right. Times flies, but we still the same inside, which seeing him makes the whole time like yesterday, full of love and joy so nakedly, without boundaries between country and language. Congratulations to the new page of your life. Cheers for that! #beyourtrueself #vincentthoughts
Vincent Wong 王浩信（@vincentwong07）分享的貼文 於張貼
恩愛合照絕跡
早年王浩信會抽空與陳自瑤去旅行過二人世界，仲幫老婆影落唔少索爆三點式相，陳自瑤仲不忘多謝老公充當其私人攝影師，不過呢啲都係06年嘅事，近兩年都冇再恩愛出埠。
空穴來風未必無因
陳自瑤婚前一直受無綫力捧，與王浩信結婚生女後，她甘願做個平凡花旦，睇住老公王浩信扶搖直上，由三線攀上視帝之位，夫婦之間距離卻愈來愈遠，為了王浩信的形象與發展機會，陳自瑤對老公在外的緋聞一直逆來順受，每次有負面新聞，她都願意企出來做大龍鳳，事實卻是有苦自己知。
光棍日成婚
2011年11月11日上午11時，王浩信跟陳自瑤奉女成婚，在婚宴上老婆講感受感動到喊，王浩信溫柔抹眼淚。
生完囡囡冇幾耐，王浩信與陳自瑤一齊為劇集《飛虎》做宣傳，仲肯配合活動當衆錫錫耍花槍。
疑似痛心控訴
7年婚姻，只有陳自瑤單方面努力向前行，結果徒勞無功，今年年中，陳自瑤疑情傷爆煲，選擇在社交網連番出文作出絕望控訴，先說：「多麼忙不重要，忙甚麼才重要！一次重要的抉擇勝過千百次的努力！今天的生活是由三、五年前選擇決定的，而三、五年後的生活是由今天決定的。」而之後另一篇「圓規論」則講到「你為甚麼不能圓夢？因為心不定，腳不動。」所有言論似是衝著王浩信而來，暗示夫婦關係已不復再，如果不是個人經歷與感受，試問怎能寫出如此到肉的文字，陳自瑤多年來受的委屈終於一次過爆發。
☀️#yoyo正能量分享☀️蜜蜂忙碌一天，人見人愛；蚊子整日奔波，人人喊打！ 多麼忙不重要，忙什麼才重要！一次重要的抉擇勝過千百次的努力！ 今天的生活是由三、五年前選擇決定的，而三、五年後的生活是由今天決定的！💪🏻💪🏻💪🏻☀️☀️☀️祝大家週末愉快！💝
陳自瑤yoyo（@chenchiyiu）分享的貼文 於張貼
