陳茵媺單拖湊3件返加拿大 日日親親大自然
廣告
今年暑假，陳茵媺一個人帶3個仔女返加拿大娘家過暑假，玩咗成個月，終於都返香港喇！陳豪成個月冇見過老婆仔女，一去到機場接機，就連環輪住個個錫留啖！去加拿大成個月有咩玩？原來主要都係親親大自然啦！
撰文：Sunday Kiss 圖片：陳茵媺 IG
一個湊三個 玩足成個月
平時見Aimee兩公婆湊住3個小朋友一齊出街，都要帶好多裝備，今次Amiee一個人湊住啲仔女，飛到去加拿大咁遠，到底搞唔搞得掂？加拿大勝在地方大，一家四口上哂車，已經可以免卻好多煩惱啦！
落雨一樣冇有怕！ 仲要着哂花花雨褸，襯到絕咁喺雨中散步！
好多家長見到水氹都會叫小朋友避開，Aimee見兩個仔玩得咁高興，仲幫佢哋數埋123添！
落雨濕濕，哥哥拖住妹妹一齊行！幾咁溫馨！
妹妹件花花雨褸都好搶眼呀！同對水鞋襯埋一Set！
到好天！佢哋就一齊去有機農莊玩！
原來係想摘啲新鮮蔬菜返去做晚餐呀！
兩個仔仲要着埋兄弟裝添！駛唔駛咁cute呀！
又好天，啲仔女又玩得開心，媽咪梗係開心啦！唔知會唔會開心到唔記得咗嗲地呢？
