細細個就懂得「先苦後甜」 陸永6歲女放學大呻：做晒功課嘅煩惱
撰文：東方新地｜編輯：Chloe | 圖片：Reina、陸永Instagram | 原文刊於：東方新地
陸永6歲女放學大呻：做晒功課嘅煩惱
日前，陸永太太Reina喺個人社交網上載同大女Hannah嘅合照，仲留言話：「我問Hannah點解日日喺學校做功課，小息唔去玩，佢話『你imagine下放學返到屋企唔駛（使）做功課，可以玩又得，睇電視又得，係幾Free……』」。
媽咪都答唔到呀女問題
聽到囡囡咁問看己，Reina亦不禁續指：「最近接放學，一上到車就會問我『媽咪，我諗唔到返到屋企可以玩咩？』做曬（晒）功課嘅煩惱」，即係簡單暗示要出街玩，睇嚟陸永大女都真係幾醒目喎！
細細個就懂得「先苦後甜」
而網民見到Hannah細細個就咁生性，都忍唔住大讚：「咁細個就識延遲滿足」、「hannah好識諗」、「先苦後甜」、「這是好習慣來的哈哈」。
陸永嫂大讚乖女：「人品好最緊要」
自從Hannah升上小學後，怕佢跟唔到上課進度，所以每個星期六都請咗個補習姐姐同佢補習個半鐘，複習一下過去嗰個星期學過嘅嘢… 其餘時間，只要佢做曬功課，佢可以想做乜就做乜，想學咩課外活動，全部都任佢自己選擇。
考試嗰幾日，補習姐姐每日都嚟陪佢溫習一個鐘，之後又繼續佢嘅睇電視玩玩具做手工… 星期一放學Hannah講「我中文考試99分呀！老師話係全班最高分…」
我同陸生當然十分驚訝，因為我哋從來都冇假設或期待佢應該考到咩成績，覺得有80分已經叫唔錯啦⋯⋯
星期二放學Hannah話派咗英文同 G.S不過佢唔記得幾分… 媽媽嘅直覺話我知佢係記得嘅！👧🏻突然話「不過唔係攞到好高分… 」「哦，唔緊要啦！合唔合格呀？」👧🏻「英文97 ，GS 93」👩🏼 「咁都叫唔高分？」👧🏻「因為唔係最高分」👩🏼「我覺得你好勁喎，盡咗力就得啦⋯⋯」
星期四派咗數學卷，Hannah話得90分仲畀個同學笑佢咁少分，而嗰個同學只係僅僅高佢一分啫，但係佢同同學講「你成績好，不過冇禮貌！」
細女勁玩瑜珈
除咗大女Hannah，Reina都有上載細女陸一心（SimSim）嘅搞怪短片，片中見到SimSim用手摸自己隻就快甩嘅牙仔，之後轉頭就見佢食嘢，但最估唔到嘅係佢突然做拱橋，認真夠難以捉摸！
智鬥5歲細女完敗 陸永嫂：「我應該點畀反應」
Reina在社交網台上載了一張照片，相中Simsim喺露台「披頭散髮」咬住蘋果，期間Reina勸囡囡「你可唔可以去夾返好啲頭髮呀？」，Simsim一句神回覆「應到媽媽行」，佢話：「我依家唔係做正經嘢，唔想扮正經囉⋯⋯」Reina無奈留言：「real到你嬲」。
網民笑言Simsim係「人生哲學家」
對著小小金句王Simsim，網民隨即紛紛留言：「好正 美貌與智慧並重」、「佢又好似有啲道理」，更有網民封佢為「人生哲學家」，追問「Sim sim幾時出書呀」
陸永嫂勸女食蘋果
隨後，Reina又上載了一段短片，片中細女Simsim認真做勞作，Reina期間叫她「快啲食個蘋果啦」，一心做勞作的Simsim當場拒絕：「唔想呀」。Reina繼續耐心勸囡囡，試用「唔食就畀蟻蟻食」，Simsim竟回覆：「蟻蟻你食吖食吖食吖…」，更作勢擺蘋果落地。
Reina：“陸一SIM呀!”
Simsim：“吓?”
Reina：“你快D食個蘋果啦…”
Simsim：“唔想呀…”
Reina：“蟻蟻食㗎喇咁樣…”
Simsim：“AIYA…蟻蟻你食丫食丫食丫…擺落地下…”
#我應該點畀反應
#佢唔問返我佢係咪好有愛心我做咩要投降
網民笑指：完美演繹「死妹丁」
網民又在紛紛留言大讚Simsim：「好可愛」、「搞笑」、「真係遺傳晒陸生」。
天賦異能？靠運攞劍撃比賽第二名
「幾日前學校問ah Sim有冇興趣參加劍撃比賽…「吓？佢冇學過㗎喎…」就咁佢就喺學校學咗幾日，話佢靠運攞咗個第二名都唔過份丫。#你好嘢 #學幾日攞到第二名他日必成大器 #冠軍真係有姿勢有實際㗎」
陸永送超貼心生日禮物 太太被封「最幸福人妻」
早前，陸永太太Reina生日，佢就喺Instagram晒出老公送的生日禮物，並冧爆咁話：「從來未收過咁sweet 嘅生日禮物！」隨即一眾網友大直呼：「好甜！」、「甜到漏！」，仲被一眾網友封為「最幸福人妻」。
究竟「愛妻號」陸永送咗咩貼心禮物令老婆咁感動？之前見陸永成日有老婆接送，原來陸永一直唔識揸車唯有依賴老婆。今次老婆生日陸永就鼓起勇氣送驚喜：「日日見你咁頻撲，好攰好眼瞓，想幫輕下你又無能為力，所以鼓起勇氣去學揸車！」
除咗去揸車，陸永買咗部相機幫屋企三位「少女」留下美好回憶，「老婆，你講得啱，我係應該幫你同兩個女影多啲見得人嘅相，所以我買咗部相機報埋個攝影班！」真係Sweet到爆呀！
從來未收過咁sweet 嘅生日禮物！「老婆，你講得啱，我係應該幫你同兩個女影多啲見得人嘅相，所以我買咗部相機報埋個攝影班！」「日日見你咁頻撲，好攰好眼瞓，想幫輕下你又無能為力，所以鼓起勇氣去學揸車！」好貼心嘅生日禮物，多謝陸生！
陸永 5 歲細女做捧場王 網民：「老竇跟阿女學嘢啦！」
陸永日前在 IG 上載一條細女 Simsim 聞歌起舞的短片，片中 年僅5歲的Simsim 聽住爸爸的新歌，好有節奏咁興奮熱舞，不少網民大讚她非常有天份，紛紛留言：「SIM真係表演能力極強」、「點解個 groove 可以咁襯」、「老竇學嘢啦！」
話說我老婆loop緊農夫首新歌，竟發現有人以粵劇打扮排緊舞！@missussix #究竟佢喺邊度摷件咁嘢出黎 #又點解會覺得襯隻歌呢
其實Simsim平時已經非常有表演欲，鐘意跳舞之餘，仲好鍾意自己琢磨演技，甚至指導父母配合。看來SimSim真的遺傳晒爸爸的藝術細胞！
颱風留家 陸永：「在家嘅好好珍惜一家人嘅時光」
適逢颱風襲港全港學校停課，陸永難得可以一整日留家陪兩個寶貝女，究竟佢哋喺屋企有咩搞作呢。日前，陸永嫂Reina喺社交網分享咗一段短片，片中可見陸永同囡囡留家避風好熱鬧。陸永嫂留言話：「一個攬住個speaker 聽歌，一個開住個speaker 睇新說唱，一個帶住個headphone 大大聲講嘢，好熱鬧。」
眼見老婆有怨氣，陸永都好識做咁即可Po出4餸1湯相，大讚忙碌一整日嘅老婆大人。「終於都改掛八號喇。在外工作為家拼搏嘅祝你哋平平安安，在家嘅好好珍惜一家人嘅時光。陸太 負責由早餐到晚餐一手包辦，時刻更新風暴消息，清理露台雜物雜草。而我同兩個女也不忘分工合作：煲劇，跳舞，玩棋，食零食，hea攤hea訓，都算忙。@missussix 唔該晒！」
陸永笠湯煲出去掃露台
其實，陸永都唔係無幫手嘅，早前Reina都有發文讚老公「好勇」咁出露台啪電制、清樹葉。
行出露台清去水位樹葉，頭先停電陸生好勇行出屋外啪電制。邊到搵個頭盔畀佢，外母畀個湯煲佢笠住行出去。
原來係畀老婆大整蠱，陸永即時留言護外母，呢個女婿唔得頂呀。
好憎打風冇學返 陸永囡囡：「喺屋企玩到冇嘢好玩」
打風停課，唔少小朋友都覺得「唔駛返學」好高興。不過，陸永細女SimSim就有好似有啲不滿。陸永嫂Reina昨日又分享囡囡趣事：「兩姊妹話個「山竹」好衰，好憎打風，搞到佢哋冇得返學，又冇得出街玩」而且囡囡最唔開心嘅係因為「喺屋企已經玩到冇嘢好玩」
有網民就留意話：「居然想翻学，我都想停课！」
