陸永夫妻恩愛全因4招愛情保鮮法
昨日係陸永太太Reina個生日，佢就喺Instagram晒出老公送的生日禮物，並冧爆咁話：「從來未收過咁sweet 嘅生日禮物！」究竟廿四孝老公又有咩冧妻高招指教呢？
1.愛情保鮮法
陸永擔得抬得陪老婆
呢頭跟住Do姐去完倫敦Shopping、嗰頭又跟Do姐個個星期日拍 住上電視主持《 Do姐有問題》，勤開工周圍飛仲拍埋電影同劇集，雖 然忙，難得陸永不忘自己仲有人夫同人父的身份，平時一有空已經盡 量接放學陪兩個女玩樂、又約老婆拍吓拖，今個暑假更加安排一連串 活動，先帶老婆暢遊內蒙古，再一家四口飛去蘇梅享受陽光與海 灘，辛苦搵得嚟都係使喺家人身上，畀老婆Reina同兩個囡囡有更好 生活及齊齊整整家庭樂。
電影電視主持出騷，不放過任何 搵銀養家機會，陸永工作雖然忙，公餘還是放老婆同兩個女喺第 一位，日前就乖乖陪老婆買餸。
Reina左手前臂紋了 卡通化一家四口加 埋愛貓圖案，好有愛。
跟得老公出錢出力
話咁快一家四口完成蘇梅假期回港，又係時候回到現實，煮得兩 手又喜歡事事親力親為的陸太Reina日前就親自駕車去到九龍城買 餸，貪其貨齊新鮮又夠平，一次過大舉買入一家四口一星期食糧蔬 菜。而一早話過想考車牌幫輕老婆的陸永車牌未到手，一樣誠意搭夠 負責跟車，除咗畀錢埋單仲可以幫手擔擔抬抬。身為兩母之 女，Reina雖然脂粉不施打扮樸素，但就身材fit爆又有型有款，在菜 檔伸手付款時更無意露出左手前臂內側的一家四口最新紋身。無獨有 偶，過往兩隻手臂白雪雪的陸永呢轉蘇梅行又曝露右手前臂內側新紋 身，兩公婆成功跨過七年之癢約埋紋身迎接下月的八周年結婚紀 念，呢個慶祝方法認真特別！
原來唔止陸太，早前一家四口去放假遊蘇梅，Reina 發布陸永陪女兒玩耍片段時，亦意外踢爆陸永右手前臂亦同期出現同款紋身。
今年九月將迎來結婚八周年紀念，兩公婆當年今日手臂都係白雪雪， 明顯為紀念安然度過七年之癢約埋紋身。
話明買足一家四口一周份量餸菜，跑一轉街市又點 夠？第一轉Reina出動陸永等候，第二轉陸永收到call就嗱嗱聲鎖車入街市幫老婆手。
新鮮魚肉以外，陸太又精心挑選大袋健康蔬菜瓜果，等老闆計完數，陸永好醒目伸手接過。
結婚將近八年，年年生日同紀念日，陸永都好有心思氹老婆放閃，其實真正恩愛使乜等到特別日子，兩公婆買完餸在街市門口拉拉扯扯打情罵俏，小情小趣更見甜蜜。
2.愛情保鮮法
陸永不辭勞苦陪家人
搵食緊要，陪老婆同兩個女一樣一等一重要！呢個暑假陸 永百忙之中不忘安排 節目，月頭先帶老婆同岳母去遊內蒙古，沿途充當攝影師幫Reina影咗唔少靚人靚 景。由內蒙回港兩星期後，一家四口再出發 去蘇梅度假，Reina個人IG可見，陸永日日不辭勞苦陪兩個女落水玩。
3.愛情保鮮法
陸永送超貼心生日禮物
陸永太太Reina個生日，佢就喺Instagram晒出老公送的生日禮物，並冧爆咁話：「從來未收過咁sweet 嘅生日禮物！」隨即一眾網友大直呼：「好甜！」、「甜到漏！」，仲被一眾網友封為「最幸福人妻」。
太太被封「最幸福人妻」
究竟「愛妻號」陸永送咗咩貼心禮物令老婆咁感動？之前見陸永成日有老婆接送，原來陸永一直唔識揸車唯有依賴老婆。今次老婆生日陸永就鼓起勇氣送驚喜：「日日見你咁頻撲，好攰好眼瞓，想幫輕下你又無能為力，所以鼓起勇氣去學揸車！」
除咗去揸車，陸永買咗部相機幫屋企三位「少女」留下美好回憶，「老婆，你講得啱，我係應該幫你同兩個女影多啲見得人嘅相，所以我買咗部相機報埋個攝影班！」真係Sweet到爆呀！
從來未收過咁sweet 嘅生日禮物！「老婆，你講得啱，我係應該幫你同兩個女影多啲見得人嘅相，所以我買咗部相機報埋個攝影班！」「日日見你咁頻撲，好攰好眼瞓，想幫輕下你又無能為力，所以鼓起勇氣去學揸車！」好貼心嘅生日禮物，多謝陸生！
4.愛情保鮮法
老婆去旅行 陸永主動湊女
陸永老婆Reina日前同媽媽一齊去西藏旅行，留低兩個女俾陸永自己一個照顧。爸爸湊女經常會鬧出唔少笑話，今次陸永都唔例外，好彩Reina臨上機前已經幫陸永做足晒準備，先令陸永湊女時「得心應手」，仲令佢大讚：老婆你好嘢！
東奔西跑接兩女放學 陸永呻辛苦
兩個女平時放學由Reina親自接送，不過佢去咗旅行，呢個重任就自己落咗喺陸永身上！不過一日接送兩個女都唔係一件易事，陸永接送完2日之後就已經投降，仲喺Instagram上問老婆平時係點樣做到！
陸永留言：「接送兩個女返學放學，一個晨咁早就要起身，另一個仲返緊下晝班，一個返東面，一個返西邊，我試第二日啫，經已諗唔明陸太係如何做到嘅呢？確實敬佩，值得表揚。」仲tag埋「#陸太你好嘢系列一」，相信呢個系列仲會陸續有嚟！
