Coffee首晒7磅B仔正面照 笑言：「個樣咁成熟似爸爸咯」

撰文：C | 圖片：Coffee IG

Coffee首晒7磅B仔正面照 笑言：「個樣咁成熟似爸爸咯」

休息咗一日，Coffee昨日就喺社交網大方上載囝囝正面照，並幫囝囝留下搞笑自白：「各位哥哥姐姐好！謝謝你們對我的關心，我是昨天下午出生的，出世的體重是7磅，今天就7磅多了。最喜歡的節目是睡覺💤，媽媽說我的樣子很成熟，應該是像爸爸吧。但我還未有改名字喔看我爸媽多過份，哈哈」不少網民紛紛留言送上祝福。

隨後又上載多段的可愛短片，指住囝囝耳仔話：「我隻耳仔喺度！」

雖然Coffee預產期是月尾，陀B 37周幾產子亦已算足月。Coffee早前胎盤前置問題，雖然想順產，但聽醫生建議後，最後都決定開刀生。好在囝囝出世都好健康，7磅重都算標準Size。

餵奶唔食得止痛藥 Coffee嘆：「傷口痛到同廢人完全無分別」

今日，Coffee又喺社交網晒出一張病房照片，仍要留院的Coffee留言話：「最痛苦嘅第三日，係當麻醉藥過晒，又唔可以再食止痛藥因為要餵奶，傷口痛到同廢人完全無分別。自己要坐起身去廁所都難，好彩有老公喺身邊，唔知復原時間要時要幾耐呢？不論係順產或者要開刀嘅媽媽，其實都充滿勇氣！致敬！」

【出世啦】林芊妤Coffee漏夜入院剖腹生B 胎盤前置兼出血

16日凌晨時分，Coffee在社交網貼出一張醫院病房短片，並寫道：「今晚要喺度瞓。」原來Coffee昨晚孖老公出席朋友生日派對後，已漏夜入院等生B。

數小時後，她再更新ig，留言話：「都係等唔到順產，胎盤仲係前置，依家仲差2cm先夠位可以順產。本來諗住等下等下胎盤有機會會升上去，但因胎盤依家出血，應該要開刀。唔緊要，BB健康出世就好，加油！我哋都要安安全全，呢幾日都要喺醫院瞓啦。」

其實Coffee之前已就表示自己好想順產生B，但由於醫生在她懷孕後期時已發現胎盤前置問題，早已預計要開刀產子。據悉，Coffee與下午透過短訊回應自己已經生B，仲好貼心咁話：「好累，比一日時間我休息好，聽日再回應send埋相俾你地。」恭喜晒！

好姊妹吳日言送祝福

作為同期懷孕的好姊妹吳日言，隨即送上祝福：「肚腩仔終於出世啦，我為你感到高興。」

前一日，Coffee先喺IG高調放閃，或許同BB心有靈犀，不能偏心小寶寶，佢提起叮囑老公：「不能偏心小寶寶，要記得我才是你最愛。」點知，第二日Coffee就漏夜入院，BB提早報到！

就算寶寶出世以後，我們還是要跟現在一樣，兩個小孩般吵吵鬧鬧地過著，你依然要哄我要保護我，不能偏心小寶寶，只有我可以偏心他哈哈，要記得我才是你最愛，#爭寵又霸道的女人#肉麻🤤