黃志淙一家 揀歌過新年
通識是新一代孩子的學習趨勢，對於自己8歲女兒Kalani，志淙沒刻意灌輸通識，畢竟她只有小三程度，「佢鍾意睇書、聽歌，從中吸收包羅萬有嘅知識。」志淙覺得學習通識的起步點，必先對閱讀及音樂提起興趣，接觸世界不同文化。受父母影響，Kalani接觸到多國音樂，卡通片兒歌以至西方偶像歌手，她都非常喜歡，今個聖誕新年，她與志淙獲邀挑選160多首應節歌曲，推介給大家在節日中憑歌起舞。
黃志淙聯同家人為ifc商場聖誕跨年活動，一次過選了逾160首世界各地應節歌曲，單是坐在場地聽歌都夠享受。
挑選160首應節歌
年尾聖誕新年假期，普世歡騰，小朋友放假，大人都有幾日假期，是良朋歡聚最佳日子。小至家中派對，還是大型商場聖誕活動，都需要應節音樂配合，正如志淙太太Yvonne所
說：「Music is life, no music no life」。志淙聽歌有品味，不想派對播來播去都是傳統聖誕歌，或者普通流行曲，可以參考他的推介，upgrade個人品味。志淙一家今年應ifc商場邀請，為冬日裝置JINGLE BAO挑選160多首應節歌曲，由朝播到晚，每九小時播一個循環。志淙指除了選擇應節歌，還穿插了一些mood music，「好似克羅地亞鋼琴手Maksim，另外有啲冰島音樂，好似帶你去咗另一個境界。」獲獎無數的Maksim成功將古典融合現代音樂，專輯在港曾奪雙白金，最近亦在港舉行鋼琴音樂會。
學音樂先學拿CD
女兒Kalani最愛偶像歌手Bruno Mars，歌曲夠潮又跳得，另選了幾首大熱英文歌，她8歲生日會都有跳！「Happy（Pharrell Williams）、Get Lucky（ Daft Punk）、Blurred Lines
（Robin Thicke）。」但數到應節歌曲，她選了卡通片Snoopy的聖誕歌，還有少年Michael Jackson在內的The Jackson 5聖誕歌，加添了幾分童真。教女聽歌，並非電腦隨便click，要從揀CD開始，志淙說：「雖然依家數碼化，但我哋仲有成屋CD，甚至黑膠碟，佢兩歲幾我教佢揸CD，點樣揸唔會刮花，點擺CD入去play，學識後佢可以自己揀歌play。」因媽媽熱愛跳舞，尤其拉丁舞及肚皮舞，在家常播歌起舞，Kalani早已環遊世界音樂。「hiphop、jazz、flamenco、mexican、country、blues、
公公也長住夏威夷，最開心與女兒Yvonne和孫女行街街。
通識老師活動教學
志淙擔任港大通識教育助理總監4年，明年是港大通識部20周年，他的角色以搞活動為主，與學生亦師亦友。「呢度特色係冇學分，學生係為興趣而讀，呢樣嘢好難得，我哋都會論政講時事、世界大事、經濟環保問題，但我哋搞嘅活動好多元化，喺香港會搞camping、去天台農場種菜、去新鮮嘅地方開拓視野，對外會有交流團，去台東睇綠色地方，去首爾睇社會改革。」
縱使教學工作繁忙，志淙仍很享受與學生相處，「好難得有啲唔使為學分，讀書不是求分數嘅科。」志淙早與港大結緣，十年前在港大修讀博士，研究本地流行音樂發展，學校亦邀請他講講座，請樂壇重量級人馬做嘉賓，「霑叔（黃霑）仲在生時，我搵過佢做嘉賓，仲有參與過一啲研討會。」同時他兼職任教過音樂課程，覺得好好玩，「大家唔使交功課，一齊去了解音樂文化。」四年前轉做全職，專心教育下一代，搞更多活動推廣音樂文化，「啱啱confirm咗張學友，食住佢入行30周年，我哋通識部都20周年，一齊搞啲crossover活動。」
任教多年，志淙看到學生跟着科技時代變遷，「社會科技進步咗，特別係社交網絡發展，學生多咗好多選擇，多咗自己諗法，主動參與世界、社會事務，新時代我哋做老師都要追上，唔可以好似以前老師講學生吸收，要同學生多互動，一齊食飯、傾偈、聽音樂會，要做friend。」
一家人陪Kalani在夏威夷選購ukulele。
有機生活大趨勢
香港很少像志淙一家般擁抱音樂，大部分家長視音樂為取分之匙，學樂器都是為一紙證書， 他希望家長們對音樂不要太計算。「音樂都係一樣自然生活嘅事，如果好多計算，或者較工具式、機械式，甚至好多時忙考試，小朋友甚至大人都唔鍾意，所以我覺得應該自然啲，organic啲，好似食嘢咁。」講起organic， 志淙一家都奉行有機生活，飲食固然選擇有機食品，在其他生活細節上，都盡量活得organic。「我架環保混能車有10年，當年好多人話我傻，話好快壞，但我相信可以嘗試，科技會慢慢配合到，用落都覺得幾好，又可以慳油，又減少到污染排放，慢慢同身邊人推介，同記者朋友好似你咁又分享吓。」
一家人每周的親子活動都好organic，逢周六他們到屯門十字路會農墟，購買本地有機蔬菜，身教女兒要活得健康。一家人最近更為十字路會製作國際兒童月曆，Kalani親身上陣擔任小model，為慈善出力。志淙強調生活要選擇， 不同選擇能make adifference，「有機生活係一個大趨勢，係城市人新追求方向，大家都知健康生活，所謂Lohas樂活，會令人開心年輕，希望生活做到之餘，再感染其他人。」
撰文：Ling 攝影：黃大立（部分相片由受訪者提供）
場地：JINGLE BAO@ifc
