黎諾懿整蠱小春雞 吃不到葡萄會怎樣？
廣告
黎諾懿喺劇集《愛回家》入面嘅搞鬼形象深入民心，原來佢現實生活中都好似馬壯一樣鍾意整蠱身邊人！即使升呢成為爸爸，但仍然係一名大細路，仲將目標人物鎖定為囝囝小春雞！噚日，諾懿就分享咗一條整蠱囝囝嘅影片，網民紛紛留言話爸爸好衰，究竟發生咩事？
撰文：Sunday Kiss
圖片：lokyilai@instagram
黎諾懿整蠱小春雞
片段一開始見囝囝小春雞坐咗喺爸爸大脾上，諾懿作勢要餵提子俾小春雞食，但每當小春雞以為食到，佢又將提子拎開，搞到小春雞好肉緊，不斷大叫示威，又拍打爸爸隻手。可惜撒嬌都冇用，「大細路」諾懿見囝囝咁想食，當然要食住上，即使小春雞擺出可憐失望樣，佢都要繼續整蠱囝囝！諾懿分享片段時仲話：「小春雞完美示範：吃不到的葡萄………會什樣」，原來爸爸係專登想睇囝囝嘅肉緊樣！
網民除左留言話諾懿好衰，整蠱小春雞，佢哋仲留意到佢隻狗狗都怕咗呢場「父子大戰」，見唔對路即刻離開現場！
即刻去片！
唔知鏡頭後小春雞食唔食到粒提子呢？
小春雞咁得意，又點捨得唔俾佢食呢？
