DIY字咭 教BB認識自己名字

撰文&圖片：荔枝與孖寶

BB怎樣認識自己名字?

BB會識「我係XX(自已嘅名)」，當中已包含語言表達，同埋與人開始溝通嘅體驗。我地現代人用慣咗通訊軟體，暱稱和分身變多，一個人有好多名字不足為奇，但是對小小孩來說，「名字」具有什麼意義？

大家可以一齊回想一下，自從我地做咗爸媽之後，BB肚餓、喊定係嚇親，我地係唔係都會上前餵奶、哄BB、抱BB，一面講︰「BB乖，媽媽錫錫，爸爸會保護你。」

其實，每一次我地有咁嘅動作，BB聽到Daddy Mummy所講嘅野，並藉住我地成人嘅身體接觸、語調表達，BB會得到名字嘅一些概念。到咗around 1歲，BB開始聽得明更多物品嘅名稱、認識自己身體唔同嘅部位。當然，仲會更進一步認識自己同家人，知道邊個稱呼係同邊個人有關連。

通過遊戲、物品加深在BB對名字嘅印象

由1歲之後開始，你會發現BB對一些名詞瞭解會慢慢日漸增加，但口語表達有限，可能仲未可以好正確咁發音。

係呢個時候，父母可以藉由遊戲幫助BB增強對事物嘅理解，E.g.︰我好喜歡同BB玩小警察遊戲，一齊尋找失物。通過遊戲將一些物品嘅名稱加深在BB嘅印象中，亦有時會將BB完整嘅名字加入去句子當中。

咁樣都就可以透過生活中反覆嘅接觸同練習，令BB可以將更多「名詞」同「人物」關聯埋一齊，知道人地叫「自己名字」就係代表佢自己。

接住就開始到2歲多，差不多3歲學齡前嘅小朋友。

佢地返學好多時都會要回應老師叫自己嘅英文/中文名字。

嫲嫲提議我做啲字咭比佢地更進一步認識自己嘅名字。

於是，我就著手做呢d名字配對字咭比佢地，可以認識字母之餘，又可以配對自己的名字出來，過程中因為本身我係教授小朋友Jolly Phonics的，所以我仲加入一些最簡單，最basic嘅phonics元素，比佢地慢慢開始接觸。

其實絕對唔係要佢地即時識d咩，做到d咩。但通過遊戲，日常生活中嘅反覆練習，慢慢去加深印象。每次佢地認到自己個名嘅英文字母，兩個小B都會好開心。

而自己名字嘅中文字知識程度，係玩呢d 自家製嘅名字配對card之後，都已經認得了。

真心喜歡嫲嫲嘅提議，簡單又好玩，又可以認識自己嘅名字。而且做法亦好簡單，set好位，我set返同過膠片差不多嘅size，之後打BB名字嘅英文同中文字，print出來，cut好，過膠就可以了。大家都不妨試下。