Coffee陀B八個月攜老公遊世界 晒「老公視覺」美照
撰文：Sunday Kiss| 圖片：coffee89921
懷孕八個月與老公遊世界 晒「老公視覺」美照
最近，難得放長假的準媽媽Coffee攜同老公一齊歎世界，不時喺社交網大晒「老公視覺」旅行靚相。
Coffee笑言：「老公話我似企鵝」
今日，佢又同開心大家分享孕肚相，身穿性感比基尼嘅Coffee終於變「大肚婆」啦！佢留言話：「肥仔（老公）話我而家似企鵝…似企鵝都幾cute呀！」，一向Fit爆嘅Coffee似乎毫不介意因懷孕增磅做肥企鵝。
不過，小編睇落Coffee身材依然keep得好靚，一啲都唔覺肥喔！
貪玩媽媽Coffee：「去旅行能醫百病」
懷孕後期都要去玩嘅Coffee，早前上載了一張疑似坐在輪椅上的照片，引起關注。身在沖繩的Coffee就親自回應表示，當時佢與老公要行上一個叫首里城的地方，路程要十多分鐘，行行吓自己覺得辛苦，所以老公叫她坐在輪椅上。其實喺嗰度嘅設施，俾有需要嘅人用，叫大家毋須擔心呀。
被問到點解懷孕八個月仲膽粗粗四圍走？Coffee就大派定心丸並表示，全部都有問准醫生先做，醫生只吩咐唔好坐長途飛機，短程可以，而且34周先唔好飛，仲有成個月，同埋旅途會租車。
來到最後一天，只能夠說去旅行的確能醫百病。
做孕婦瑜珈安胎 準媽媽Coffee自爆胎盤低盼順產
不經不覺已經陀B7個月嘅Coffee，今日係社交網有感而發，大嘆「不是所有懷孕過程都是順利的，孕婦經常會遇上不同問題，例如妊娠糖尿或胎盤前置等等…難免不習慣有挫敗感和心情失落…」
Coffee又話自己仲可以自由活動，唔需要好似其他有相同狀況嘅媽媽一樣「臥床安胎」，已經屬於係比較幸運嘅「胎盤低媽媽」。
佢又透露自己希望可以順產，但因為胎盤位置低，要視乎之後「B仔」的狀況及胎盤位置，才能決定是否需要開刀，因而感到挫敗、心情失落。
不過，一向樂觀嘅Coffee坦言：「明白到不是所有事情也能控制的，現在的生活節奏也要慢下來了！做做簡單的孕婦瑜珈乖乖安胎，再等三個月就跟BB見面啦！」為自己以及一眾準媽媽加油打氣。
「不是所有懷孕過程都是順利的，孕婦經常會遇上不同問題。例如妊娠糖尿或胎盤前置等等，原因不一定是因爲媽媽問題，很多先天和後天的因素影響著。但因不是一般正常的孕婦，而要改變正常的生活和工作，難免不習慣有挫敗感和心情失落。而其實我也是胎盤低的媽媽，有很多媽媽告訴我她們要一直睡床，而我屬於較幸運還可以自由活動。但為免出血還是要比正常孕婦小心，如果到32週後胎盤還未上升，就是胎盤前置很大可能要剖腹生產。對於我一向打算自然生育，也同時活躍於自己的工作和生活，當然一樣感到某程度的失落。但明白到不是所有事情也能控制的，現在的生活節奏也要慢下來了，做做簡單的孕婦瑜珈乖乖安胎。再等三個月就跟BB見面啦！跟自己說聲加油！」
醫生早預告係大碼B
Coffee有咗7個月，但係一直都未現「巨肚」，網民都話佢就算生完應該都唔似生過！
其實Coffee之前去產檢，醫生已經話咗佢長胎唔長肉，陀咗一個大碼BB。
日前Coffee再去產檢，醫生就話BB頭大肚大腳短，不過愛美嘅Coffee一於少理，仲話只要BB健康就足夠！
為咗保持健康，Coffee除咗Keep住做瑜珈之外，日前仲陀住「肚腩仔」去游夜水！
今次着起三點式，終於覺得Coffee似係「大肚」喇！連佢自己都笑，「肚腩仔」而家變咗「大肚腩」喇！
