Messy Play 6-12個月體驗型Playgroup推介

Mar 13 2018

坊間playgroup多如7-11，Wilma媽一直想搵啲純玩或者體驗嘅課程當同芊羽親子活動。經媽咪朋友介紹，見到呢間童樂fun紛社嘅課程係小組活動/户外體驗形式，就報咗幾堂玩下。

messy play體驗特別觸感

佢有別於一般playgroup嘅係，佢嘅messy play唔係淨係玩顏料，佢玩嘅係更多日常會接觸到、而且有特別觸感嘅嘢，例如係冰畫、啫喱尋寶、波波畫等等。
另外因為佢冇實舖，負責人蚊芝姑娘會租借體育館上堂，價格亦都非常相宜。（自組班夠8人就開堂，只需HKD85，一堂一小時）

今日Wilma爸媽同芊羽上嘅就係搓搓粉團。
而蚊芝姑娘係一位有多年社工同幼兒工作經驗嘅大姐姐，所以好熟練就引起小朋友嘅注意同帶動倒大家氣氛。雖然芊羽相比起同班其他BB細，但都已經望實姑娘唱歌同指導唔眨眼。

課堂唱下歌、一齊玩玩具樂器學習簡單嘅指令，再玩15分鐘戲肉嘅粉團（芊羽一見倒碟麵粉就好奇地伸手要搗蛋），一個鐘時間真係好快過。

而我呢班在場目測BBs大概8-14個月，冇太大年紀差距，而且蚊芝姑娘會鼓勵BB們同隔離配合遊戲，唔會怕自己BB未識行會唔會未適合玩。

如果你地都同Wilma媽一樣想BB有更多得意嘅新接觸，可以搵童樂fun紛社了解下，據我所知佢地亦有適合其他年齡嘅playgroup呢~

關鍵詞