小學男生上課搗亂拖延學習進度 證患SEN 父母反問：佢係咪成世廢咗？

SEN男孩評估前 心小姐與家長進行訪問

老師轉介Ethan予我做評估，我便先訪問他的父母，了解他的背景、發展和需要。我感到Ethan父母有點抗拒評估，因為當我問他們有什麼關注時，他們欲言又止，說Ethan各方面都「無乜嘢」，談著談著，媽媽道出一句心底話：「 我好驚Ethan是SEN男孩 （特殊教育需要）。」

我遇過不少家長懷疑自己的孩子有SEN，卻不想面對。我懇切地說:「我比較驚係小朋友有SEN或其他情緒行為需要，而我哋無及早發現，無俾佢需要嘅支援佢，影響佢日後嘅成長！」媽媽凝視著我，想了一想，恍惚心裡已有答案。

SEN評估後會議 發現Ethan患自閉

透過多方資料整合的評估結果為：Ethan有自閉症。我向Ethan的父母和老師詳細地分享結果，解釋他在認知能力方面的長處，以及在社交和行為方面的缺損。我一邊講，Ethan的媽媽沈默不語，而爸爸則不斷大聲嘆氣。我嘗試鼓勵他們，說我們還算是比較早發現Ethan的需要，如果我們能安排有效及針對性的支援，他會有進步的。

爸爸問：「佢係咪成世廢咗？」

爸爸突然問：「Ethan大個會點？佢會唔會好返？係咪成世都廢咗？」我理解爸爸的擔憂，但最後一道問題真的讓我有點失望和生氣。我嚴正地對他說：「有SEN，包括自閉症嘅人嘅生活可以好美滿。我識有自閉症嘅學生成功讀到博士，之後仲結婚生仔; 有讀寫障礙嘅學生成為醫生; 有ADHD嘅學生亦做到優秀嘅專業人士同運動員。當然，有一部分有SEN嘅學生係成長階段無得到適切嘅確診同支援，引致之後有嚴重嘅情緒或行為問題。小朋友未來嘅發展同成就好大程度取決於父母嘅心態同教導！你哋嘅支持對Ethan嚟講係超重要！我同老師都會同你一齊努力！」

一個星期後，媽媽告訴我她已經辭去全職工作，決定全力與我們一起支援和訓練Ethan。

我經常提醒家長，SEN的確診或標籤其實沒有改變孩子的本質。它只是一個形容孩子的需要的詞語，讓身邊的人更容易理解他們，並給予他們適當的支援。

鳴謝受訪者

心小姐 – 教育及兒童心理學家

註：為保障學生的身份，文中的個人資料經過改動。