【賞櫻‧浸溫泉】實戰!! 熊本三大酒店 @Kumamoto 阿蘇
第一晚, 我們住在唯一一間市區的酒店, 熊本キャッスル ホテル 正正就在熊本城的旁邊, 走到PARCO及商店街也不用3分鐘, 非常方便.
雖然房間比較細, 但以長方形發展, 我始終覺得有一個大浴缸設備的才算好酒店.
(如果, 我們可以住在望著熊本城方向的房間, 那就更加完美!!)
這裡很有趣, 就是每人會送你一隻千羽鶴, 如果我是員工, 真的每日也褶鶴褶到手軟
早餐可以揀選西式或和式, 其實真的沒有理由像SY吃煎蛋腸仔, 來到日本當然要吃飯, 麵豉湯, 納豆, 煎魚做早餐啦…
熊本キャッスル ホテル @ 熊本
〒860-8565 熊本市中央区城東町４−２
電話： +81 96-326-3311
https://www.hotel-castle.co.jp/
房租: 2萬日圓(約)
第一間酒店沒有SY最期待的溫泉, 所以他非常渴望入住第二, 及第三間酒店.
湯の児 海と夕やけ (點解個名無酒店二個字呢?), 正正就建在岸邊, 房間有一個小露台, SY一走入房間便大叫:「望海架…我見到有個島呀! 好開心, 好舒服呀!」
最細心的是小朋友會獲贈一個熊本熊小膠袋, 內裡有一條部長毛巾, 正正就是給SY去浸溫泉之用…SY:「浸溫泉有冇毛巾畀呢? (有呀)…咁我想E條毛巾留念呀!」
今次我們第一次在酒店吃全日式自助餐, SY自斟自食咖哩飯…足足吃了三碗.
阿太則又蒸水蛋, 又大蝦咖哩飯, 又麵湯…
<
而我當然吃刺身…一次過有4款魚, 鯛魚, 不目, 太刀魚, シマアジ…或者我不知道甚麼シマアジ, 但反而覺得好食…太刀魚連皮出, 感覺麻麻, 因為皮不好咬.
熊本地膽回應:「太刀魚即釣即切, 係E度最出名」(吓?? 可能我真係唔識食魚)
吃飽飽後我們便去浸泉, 這是SY第一次浸溫泉, 他跟豬仔玩水玩過不停, 真的嚇怕了在場的幾位日本男士…不好意思!!
以前有人說浸完溫泉會很易入睡…不過兩位小朋友並沒有任何倦意, 繼續再戰兒童小小天地.
(但當晚SY真的一覺睡至天光…可能前一晚陌生床, 這位小朋友5時30便起身了)
酒店後方是岸邊, 阿太及小豬媽也想走到旁邊的小島逛逛, 可惜我們9時便要出發, 所以, 闖島的念頭, 唯有放棄.
不過, 我們發現酒店旁有一個小公園, 當中有一棵大櫻花, 清早與花合照, 加上風和日麗, 人又身處完美的日本, 心情非常開心, 開朗, 開懷!!
過往遊日本也只是大城市…今次可以走到鄉村, 小鎮, 近郊的感覺零捨別有特別風味…
湯の児 海と夕やけ @ 湯の児温泉
〒867-0009 熊本県水俣市大迫1213
電話：0966-62-6262
http://www.umitoyuyake.com/
房租: 4.5萬日圓(三人房)
最後一晚, 我們住在阿蘇プラザホテル , 阿太說:「這酒店好紅呀! 因為Youtube搵咗部長去拍教人浸溫泉呀!」
所以, 酒店真的遇上不少香港, 台灣的朋友…本來SY興高彩烈的表示要再浸溫泉, 可惜他由熊本乘長途車暈車浪…結果, 他一到房間便已經不適, 這晚他8時半便已入睡…
今晚, 我們住的是和室, 會有工作人員幫忙換上塌塌米…阿太:「我鍾意瞓塌塌米, 因為咁樣先似日本…一直睇叮噹都係咁」
反而我則覺得試一次便足夠, 如果可以選擇, 我還是想入住一般平常有床的酒店…阿太:「你真係唔識嘢, 有好嘢都唔識享受」
今晚的酒店, 要到早上才發現她的美好之處…就是清早空氣除了清新開朗外, 原來我們是面對著阿蘇火山的呀!
一晚與大海同睡, 又一晚又可以與阿蘇同眠, 今次旅程絶對畢生難忘.
大堂有手信店…今次的手信就在這裡完成的, 而露天位置更有兩大棵盛放的櫻花, 沒有理由不去拍卡留念吧!!
阿蘇プラザホテル @ 内牧温泉
〒869-2301熊本県阿蘇市内牧温泉1287
電話：(0967)32-0711
http://www.asoplaza.co.jp/
房租: 4.2萬日圓(三人房)
Special Thanks to :
JAグループ熊本
Japan Collect
農協観光（グリーンツーリズム ）
