佐敦谷公園賞紅葉 大片草地野餐放電好去處 觀塘最大公園＋秋天行山

佐敦谷公園紅葉｜賞紅葉好去處

如果唔想行山，可以由彩虹站轉乘巴士，約5分鐘就可到達的佐敦谷公園。佐敦谷公園一向為親子郊遊勝地，一大片的草地除了可以讓小孩「放電」，更是野餐的好去處。園內的十數棵楓香樹位置較分散，但係影相都好靚，最近已有樹葉轉紅。 一邊野餐一邊賞紅葉，超寫意！

前往方法1：由順利邨巴士總站步行約5分鐘。

佐敦谷公園紅葉｜天梯小山 九龍灣至平山 行山上公園路線

搭車之外，亦可以行山上公園，嚟個秋天郊遊。呢個天梯小山起初梯級頗窄，因此如果想行山亦可以考慮逆線而行，由佐敦谷公園向下走。

想行呢座天梯小山，首先從九龍灣MTR B出口往天橋方向，直接走到彩盈邨，經屋邨旁的升降機接上彩福邨。之後沿彩榮路上山，在彩榮里的盡頭便開始走上天梯，到標高柱後轉右往佐敦谷公園(20分鐘路程)，隨後見分支往左走便是公園入口。

前往方法2：經天梯小山和小朋友郊遊

佐敦谷公園紅葉｜大片草地野餐好去處

行山放電過後，可以搵個好位置野餐。平日的日子來到佐敦谷公園，人流唔多，基本上可以在草地上滾都得~

自然保育園地同簕杜鵑園都有好多超靚嘅花甫，可以說是拍照最佳位置。迷宮花園小朋友亦好鍾意係入面走嚟走去。

佐敦谷公園紅葉｜兒童遊樂區+遙控模型賽車場

佐敦谷公園兒童遊樂區，適合唔同年齡組別嘅小朋友，仲有鞦韆區有四組鞦韆。有幼兒滑梯，亦有讓小朋友動腦筋嘅攀爬遊戲。另外有適合幼兒嘅遊戲區，有幼兒滑梯組，有同音樂有關嘅小遊戲。

而佐敦谷更設有遙控模型賽車場，適合爸爸們飛車，可以帶埋模型車去玩。

佐敦谷公園紅葉｜交通方法

路線：由九龍灣地鐵站出發，經彩盈邨上山，到標高柱後轉右往佐敦谷公園

搭車上山：彩虹站轉乘巴士，由順利邨巴士總站落車，約5分鐘

行山難度：★★☆☆☆

所需時間：約1小時 (包括攝影和休息時間)

距離：約1.8公里

參考：康文署網站