兒童醫院啓德海濱長廊兒童遊樂場 週末遭逼爆 揭交通配套嚴重不足

撰文：TLY｜圖片：和牛b的成長日記、討論區截圖

兒童遊樂場 2月中開放

兒童遊樂場位於兒童醫院啓德海濱長廊，在今年2月中正式開放，以太空為主題，設計新穎，有3米高火箭滑梯、親子鞦韆、隧道型滑梯等，有別於傳統的遊樂場，故此，引過百人到訪遊玩。

誰孰真自私？

有網民認為，醫院的病童在院中奮力與病魔作戰，但當看到外面的小朋友可以在遊樂場玩，覺得「成件事好慘，有啲同理心都唔會將遊樂場起呢度」，但卻有網民反駁「自己小朋友有事無得玩，我都要唔俾其他人開心咁玩，真係唔知邊個先係自私」。

家長批規劃有問題交通配套未如理想

兒童醫院的病童家長回應，重點是交通問題，巴士及小巴班次少，不少人「湧到」公園，又多違泊，堵塞去兒童醫院的道路，而警察未及時處理，影嚮到兒童醫院覆診人士。

遊樂場鄰近公共交通工具選擇少，班次十分疏落，只有5條巴士及5條小巴路綫途經兒童醫院及啟德郵輪碼頭，九巴5R線只限於星期六、日及公眾假期提供服務，違例泊車問題嚴重，過多人前往，配套無法應付大增人流和車量，令交通更擠塞。

留給複診或住院病童使用

有網民認為，「就係大家咁多地方可以去，點解要去兒童醫院後面個公園呢？仲要有人專登揸車去，搞到嗰度塞晒車！公園起嘅理念係好，俾住院嘅小朋友一個盼望，希望可以快啲出院出去玩，冇錯大家都有自由可以喺呢個public嘅公園玩，但係咪可以諗一諗，將呢個公園俾返一啲需要複診或者住院嘅小朋友去散吓步，呼吸吓清新嘅空氣呢？太多人入去，會騷擾到病童休息。唔係話我去唔到玩你都唔應該去，只係想大家代入角色，考慮一下唔同人的感受及需要（家長及住院病童）香港仲有好多其他地方可以去，點解要一窩蜂去嗰度呢？」

網民「如果公園咁多人，病童就難啲可以享受到呢個設施。所以個問題並唔係『我冇得玩，你都唔好係個度玩』，而係配合呢個公園的設計，留番俾病童/或其他有需要的人去用，希望唔好逼爆佢。」