偶然的一次機會，在團購網站看見這個暑假的有機農莊遊，位位六十個大洋就可以，雖然遠在西貢，但魚子醬甚麼也不多，時間和體力最多，所以我們都買了兩張，等了又等，又怕暑假多人，又怕周末塞車，結果等到開學後才來。過程中有點辛酸，但最後也無悔兼決定十月組團重訪！魚子媽相信我們正在全香港最靚最靚最靚的 遊樂場 玩樂中！
Weekend 在白沙灣有船來往農場，但平日就可能需要乘搭巴士前來，在科技大學北站下車，往車頭方向的鐵絲網走，會看到清新地的指示牌，看到向下的樓梯，一直走就是了。不過在開始這段路程前，麻煩將行裝內所有的防蚊措施才勇敢的向下走。
呢度d蚊多到好似前世未食過野咁！！傻的嗎！！帶著小孩又走不快，將全身有的七塊蚊貼一次過邊走邊貼上身，然後再拿蚊怕水噴！最後我們兩個加起來應該也被咬了20啖。
雖然只是15分鐘的路程，但不停落樓梯其實都感覺幾無助，特別是weekday，一路行有d恐怖，仲諗住「大鑊啦，一陣仲要行上黎，既然黎到，頂硬上啦」中途真係有d位多蚊到決定用欖球的方法夾住魚子醬不停跑 =.= 直到重見天日，看到這風景，魚子醬大叫一句「嘩好靚呀!!!!!快d行啦媽咪」好啦..頭先所有負面情緒都消失了~
下頁：終於到目的地
終於來到清新地有機莊園的所在地，有返d人氣，感覺如釋重負！而且在小木屋內陰涼有風扇有得坐下，太好了！！
木屋外就是寬闊的空間，仲有一群小熊貓在草地上伴著大家
我們買的團購券是$60一位，而在此刻也發覺原來walkin都是一樣價錢[chur…..不過無悔] 這裡入場費最平$25，已包一壺花草茶；$40就有自製小盤栽+導賞+花茶；而$60就是製作Scone鬆餅 +導賞+花茶；要三合一的話就只需$80 [2歲以下全免]；不禁向負責的哥哥講「嘩~你地有無錢賺架~!收貴一倍都得啦」他笑而不語，聽罷價錢更加決定會組團出動。
**目前收費已有改動，現在$60 是小盤栽+導賞，$80就是文中的鬆餅+盤栽+導賞，沒有了淨入場費。
製作鬆餅就交比魚子醬負責啦，由麵粉加牛油、牛奶搓搓搓，小朋友全程動手做，投入感十足！平時係自已廚房，家長唔多唔少都怕個廚房打仗而抓狂，全職媽媽會更明白的！在這裡就可放心讓他們嘗試，如果同三五個朋友仔一齊，一定會更開心！
由魚子醬好討厭的粉漿，到最後唔再黏手的麵糰，終於都成功啦！yeah~將佢地分做幾份後，就可以準備入爐啦
重要的資訊 >> 呢度係有凍飲賣架 XXXD 大家唔怕得返半條命
下頁：除咗整鬆餅仲有咩嘢睇咩嘢玩?
係焗鬆餅的過程，就是導賞團的時間；雖這裡規模唔算十分大，但係都足夠自已在網上銷售加自給自足
看到美美的節瓜、冬瓜、還看到香茅、粟米、芋頭、毛茄等植物成長中
在有機農場，最好是可以即摘即食，究竟魚子醬食左乜野苦口苦面？係韭菜 XD 而魚子媽都第一次嚐到新鮮的「田七」！ 其實之後都係同一個表情~hahahaah
當我們走到一堆蓬鬆的植物，估極都估唔到係咩ge時候，原來寶藏在地下！ wowww~是珍貴的露荀啊！ 眼見一大堆植物的莖之間，都唔多枝露荀，難怪多年來一直都算是貴貴的蔬菜
這裡除了自家的農地，都有少量租給外人的地方，經過他們的農地後就是魚子醬20級期待的 遊樂場 了！
下頁：餵羊仔
不過！ 係玩遊樂場之前，我地先返返木屋!~!~~~因為~~~~鬆餅焗好啦~~香噴噴的出爐，看著自已的鬆餅BB出世，小朋友真係會好興奮架，不過就要千叮萬囑熱啊個焗盤；而媽媽就悠閒的在喝薄荷茶
頭一趟由搓粉到上碟都是自己負責，在培養小朋友的自信心打了好大的一枝強心針！
出乎意料之外，一個都無整跌，小肌肉的控制果真好多了；看著自已的成績，魚子醬自滿的樣子真心搞笑 XD
食完Afternoon Tea做乜好? 魚子醬一聽到羊羊上完山食草，已經返左黎，就衝走左
呢度有山羊都有兔仔，雖然唔係第一次餵羊，不過今次就餵得最開心，小黑小白好乖啊
下頁： 遊樂場
對我們來說，藍天白雲加一個完全在草地上的遊樂場，真係一件太完美的事！真心玩到唔想走；而我地短短黎左2,3個鐘，就影左超過600張相，所以揀相執相都揀到手軟
韆鞦都有n咁多款，唔洗爭。魚子醬最鍾意係玩吊橋，玩左十幾廿次
大家如果真係咁好彩遇著好天氣，呢度真係邊個位影相都一流！ 其實我們到訪那天，之前的天氣預報一直都係陰天有雨，但今日完全喜出望外，靚到無言！
因為是平日下午的關係，就只有我們玩樂，哥哥成了我們的私人嚮導，仲幫我地影左唔少合照，連自拍棍都唔洗拎出黎，謝謝啊！
續下頁
喺 遊樂場 再一路望過去，依然是莊園的範圍，這裡除了親子玩樂，還可以影Pre-wedding，TVB羊年的特輯都在這裡取景！
橋後是新一期開發中的地方，那邊將會是完善的溫室，還有另一間木屋，大家都可以book BBQ在那邊進行。
這樣看起來甚有外國風的是駐場農夫的宿舍，自給自足，因為他們每天都會到海中心捉魚！夠強的有沒有！
這裡是5pm下班的，當哥哥話佢地會搭船走而我們可以一起的時候，心裡真的感動到流淚 XD 拜托我不要再走過那多蚊到痴線的樓梯，回程仲要上樓梯無得跑
臨走前八卦上一上木屋的天台，wow~! 可以一覽農場的景色還有些少海景，任跑唔嬲
離開莊園，我地就準備前往海邊等船啊；如經水路的話，就會由這邊進入，我們從山路進，就是另一邊入口
下頁：水路入口景色超美
景色超美，但都有不少廢物，是由上游沖下來，跟海洋交匯之處而積聚，並不是遊人帶來的垃圾
我們要搭的船終於來了，每日5pm準時來接載，會先到科技大學南邊的巴士站，然後到三星灣，最後回到白沙灣；石師傅看見魚子醬不忘聊起自已有九個孫，真開心 =] 還讓魚子醬在海中心體驗當船長 [影相je 影相je。放心] 這程船HKD20，周末或許是HKD30，有待考證
最後我們都不坐船艙了，走到船頭坐小板凳，吹吹海風，跟叔叔傾下計，站在船頭的旅程，魚子醬表示極度興奮~hhaahhaha~
終於明白，經常出海的朋友常說「跟我出海，景色更美」不過都不忘浪茄有幾靚
三星灣如果由陸路前往的話，也要花點腳力，從水路就方便得多
其實我地都係第一次坐呢d船ja~所以當叔叔話要去一去三星灣ge時候，我地都答「唔緊要呀~慢慢~~好開心呀可以坐呢d船睇風景」
誰說開學就會悶蛋！一樣可以多姿多彩，不過就要留意早去早回兼體力加倍，但今日真係無後悔放學由屯門黎西貢，絕美的一天！跟貼 魚子醬 – 親子玩樂指南 動向，不時還會舉辦親子活動，同志同道合的家長一齊玩，還小孩一個愉快的童年
地址: 西貢白水碗D.D.227 [科技大學旁]
電話: 2723 3126 / 5112 9195 / 5545 3062
