初階行山路線圖 豪宅區後新春行大運
廣告
話咁快就狗年，原來今年新春假期加上早前因流感肆虐提早停課，小朋友假期足有18日之多，其實媽咪就最頭痛，單是諗節目行程頭都快爆炸了，但衛生處又呼籲大家切勿去人多擠逼地方，預防感染流感，不如我提議近近地行下山，放心，呢條路線超簡單又易去，來回30分鐘走完，仲有網球打，特別啱九龍友。
初階行山路線
我家附近是何文田，住了約兩年才知道原來剛落成的豪宅皓畋後方，原來有一條很簡短的行山路線，我早前和Hilda已行過，不崎嶇，親子組合可輕易地完成，而且起點有專線小巴穿梭何文田港鐵站，交通非常方便。
講咗咁耐，其實是哪裡呢？就係馬頭圍配水庫遊樂場。
親子組合可輕易完成
馬頭圍配水庫遊樂場亦設有康文署轄下網球場可租用 （http://www.lcsd.gov.hk），起點由屋苑皓畋側的常和街作起點，向上走有點斜，地面乾爽不危險，間中亦有行山人士在放狗，我個人認為即使媽媽有揹帶抱著嬰兒，也可輕鬆地走完。由山腳走到山上一程約需15分鐘。
由山腳走到山上15分鐘
一邊走一邊可近距離欣賞沿路上的雀鳥及小花，對於身在市區的小孩其實是頗有趣的體驗。由山腳走到山上一程約需15分鐘，首先你會見到一個網球場，旁就是遊樂場了，但由於人流不多，設施不多，但好就好在有個大空地，你可和小朋友玩球類活動或吹泡泡，最好是租場處有洗手間，但嬰兒換片及哺乳設備卻欠奉，要留意。
消磨一個早上
最後沿路落山，全程單計步行時間約需三十分鐘，再計逗留在遊樂場的時間，很容易就可消磨一個早上，當然你可乘小巴回何文田港鐵站，或向土瓜灣方向進發可醫肚去。
