包唔肥早餐餐單
廣告
想減肥?就要識食早餐，大部分朋友認為食少啲就會瘦啲，實情梗係唔係啦！早餐食得越豐盛越營養，就越幫到你燒脂，下面就有幾款食完都唔會肥嘅早餐餐單，你絕對值得擁有架!
材料：麵豉蔬菜豆腐湯，2個壽司卷。
呢個係日式早餐，日本人啲身體都比較輕瘦，呢個同佢哋嘅飲食習慣，有莫大有關係，朝早飲啖湯，一日都會精神飽滿。
做法：水滾，加入蔬菜同豆腐，及日式麵豉醬。壽司手卷壽司以一晚喺在超市或者壽司舖買定，亦都可以自己前一晚整定先。
呢款早餐係多纖維、低熱量，麵豉係日本家常大豆類醬料，含豐富蛋白質，低脂肪，適合長期食用，如果再加入蛋白粉，就可以令你精力更充沛。
二、蔬果餐
材料：蔬菜水果汁，煎蛋三文治。
一份簡單嘅蔬果早餐，可以滿足一個人一日對維生素嘅需求。
做法：用唔黐底嘅pan嚟煎蛋(唔駛落食用油)，再用兩片全麥切片方包夾埋，仲可以按個人口味加火腿，生菜同脫脂沙律醬。再加杯用時令水果打嘅果汁。例如鮮橙紅蘿蔔汁、蜜瓜蘋果汁、奇異果汁、青瓜汁都係好選擇，有助於排出體內毒素，增強新陳代謝。
三、蕃茄蛋湯餐
材料：蕃茄蛋湯，烘多士。
呢款早餐維生素含量比較高，想減肥嘅人食咗都唔會肥。
做法：新鮮蕃茄加少少橄攬油炒一炒，加入適量嘅水煲滾，再加雞蛋同調味，即成。麵包最好就揀全麥包啦!
新鮮蕃茄含抗衰老嘅茄紅素，美白、瘦身，唔會因多餘熱量而導致脂肪積聚，係好有營養嘅瘦身選擇。
