日本旅行必住之選！4大特色飯店
ASO Farm Village位於九州阿蘇火山山腳，是個集飲食、玩樂、溫泉、按摩、動物園的大型優閒農場，最大特色的一個個如饅頭般的小屋，因此也被稱為饅頭村。饅頭村最近翻新小屋，翻新後其中有26棟成了色彩繽紛的卡通區，仲有大熱的Kumamon小屋，一見到已經好想入住呢！
每間小屋也有不同主題，西瓜屋、怪獸屋、釣魚屋，每間都粉飾得十分可愛，內裡的佈置簡單整潔，屋仔細細但五臟俱全，洗手間、電視、冰箱、梳化檯燈都一應俱全！
農莊位於阿蘇火山山腳，少不了一個個天然火山溫泉。在阿蘇農莊住宿的遊客，可以免費享用「阿蘇健康火山溫泉」，不僅室內場地大，連室外也分成十多個池，有清酒風呂、寢湯、洞窟風呂、漢方藥湯等，包保成個人鬆晒！另外，農莊內還有兒童樂園、健身房等設施，大人細路都啱玩！
九州阿蘇農莊
地址：九州熊本縣阿蘇郡南阿蘇村河陽 5579-3
電話：82-967-67-2323
網站：http://www.asofarmland.co.jp/
房價：普通饅頭屋¥21,600/HK$1390起，普通雙人房 ¥20,286/HK$3059起
部分相片來源：hantianblog
下頁有：與哥斯拉同眠
東京 格拉斯麗新宿酒店
嘩！有隻哥斯拉係出面嘅？上年哥斯拉大鬧六本木，佢決定落腳今年才開業的新酒店Hotel Gracery！酒店內設有1 間哥斯拉雙人房及6間哥斯拉單人房，雙人房內的佈置把電影重現，而單人房的賣點是可以「與獸同眠」，住客還可得到限定的原創哥斯拉商品。但是一家大小入住的話，就只可以入住其他房間了，不過只要是住客，都可以自由出入位於 Lobby 露台的哥斯拉出沒的地方同佢合照！另外，酒店交通非常方便，在新宿車站東口步行約5分鐘即到，帶住大包小包、大B小B都唔怕啦！
格拉斯麗新宿酒店
地址：東京都新宿區歌舞伎町1-19-1
電話：81-3-6833-2489
網站：gracery.com/shinjuku
房價：哥斯拉主題房 ¥16,543/HK$1,026起，普通雙人房 ¥20,286/HK$1,258起
相片來源：bigfang’s Blog
下頁有：滿佈機關的房間
東京 希爾頓東京灣飯店
東京迪士尼有兩個園區，想玩晒迪士尼樂園同迪士尼海洋至少都要兩日啦！所以住係園區附近就最好不過啦！希爾頓東京灣飯店位於迪士尼樂園旁，更特別為小朋友打造超可愛的歡樂魔法房，房內仲有好多小機關俾好奇心豐富的小朋友玩，而且房間非常大，咁大人細路都住得舒服啦！
如果帶著小朋友入住歡樂魔法房，小朋友仲會收到一封來自魔女的信：
給我未來的朋友們：
大朋友，小朋友你們好，我叫做Tiara，我來自魔法森林．今年六歲，為了成為真正的魔女，
很認真的學習魔法，每天努力的練習，但是因為我太認真的學習魔法了，所以我沒有朋友，
你們可以當我的好朋友嗎？我躲在房間裡面的小魔鏡裡面，等你們來找我喔！
歡迎你們用魔法鑰匙打開門，進到魔法森林來！
小朋友可能未必識睇，咁就要靠爸爸媽媽讀俾佢哋聽啦！然後就可以帶著小朋友，用魔法鑰匙開門，進入魔法房間啦！房內有大量的壁面彩繪，好像入住了魔法森林一樣，還有好多可愛的小動物陪睡呢！另外，房裡還有各種小機關設計呢！
希爾頓東京灣飯店
地址：日本千葉縣浦安市舞濱1－8
電話：81-47-355-5000
網站：http://www.hiltontokyobay.jp/chn_b/stay.html
房價：¥60000/HK$4293
下頁有：至貼心親子房
東京 東京灣東方酒店
東京灣東方酒店（Oriental Hotel tokyo bay）是東京迪士尼度假區好夥伴飯店之一，每天都有免費的巴士往來迪士尼樂園。雖然東京灣東方酒店看似係一間普通的酒店，但原來暗藏 特色！因為酒店內有兩層親子房層，11樓的親子房（Baby’s sweet）特別為0-3歲的小孩設計，地板也有軟墊，還有很多可以免費租借的設備，如奶瓶清潔刷、清潔劑，小童便廁及小孩睡衣等，爸爸媽媽就唔駛帶咁多嘢去旅行啦！另外12樓是（kid’s sweet），專為4歲以上小童而設。
東京灣東方酒店
地址：千葉縣浦安市美濱1-8-2
電話：+81-47-350-8111
網站：http://www.oriental-hotel.co.jp/
房價：baby sweet & kiddy sweet ¥18,000/HK$1158 – ¥94,000/HK$6052
撰文：Fiona Fong
相片來源：相關機構網站 / FB
