【城市創科大挑戰】創意展免費入場！帶小朋友去科學園 邊玩邊學STEM 免費玩轉25個好玩兼實用嘅發明

今次嘅動感之旅，暗號係【城市創科大挑戰】創意展！呢個展覽一共為期9日，將會帶大家去齊學校、超市、餐廳、老人院等模擬生活場景。展覽由創新科技署主辦，4大場景共25個創科方案原型嘅發明家將親身講解，畀大家試玩自家設計嘅得獎發明。終極目標係鼓勵全民發揮創意思維，以創新及科技推動香港可持續未來發展。

今次的展覽有齊學校、超市、餐廳、老人院等模擬生活場景，每個場景裡都有各式各樣的好玩發明等住大家去試玩。下面將會精選其中幾個發明介紹畀大家，最尾就有今次嘅展覽詳情，記得睇到最後啦！

好玩位─第一站：
Vitals人工智能健康監測應用程式

點樣玩法：小朋友只要拎起檯上嘅手機、平板，或者透過桌上電腦，好似平時自拍咁對住鏡頭30秒，呢啲3C產品嘅軟件就會喺30秒內幫你個精靈樣進行面部特徵分析，而偵測到嘅心跳頻率、呼吸頻率、血壓指數等健康數據，就會即時傳返你嘅手機應用程式。

好玩位─第二站：
PointFit汗液傳感器

點樣玩法：想知道自己同小朋友嘅壓力有幾大，身體肌肉有幾疲勞，咁就一定要去了解下呢個汗液傳感系統啦！只要將超薄抗菌嘅專利感應器貼喺皮膚上面，佢就會靜雞雞咁收集汗液，再進行生物標誌物（Biomarkers）分析，實時偵測出健康狀況。

好玩位─第三站：
WeVoice Glasses悅聲智能眼鏡

點樣玩法：當小朋友戴上呢副專為視障人士而設嘅智能眼鏡後，眼鏡框上嘅鏡頭會影低面前嘅即時視像同語音訊號，透過Wi-fi或藍牙傳送俾支援義工，義工會描述返畫面環境，聲音會即時傳到眼鏡內置嘅骨導傳聲耳機，將畫面轉換成語音。

同場仲有22項令人意想不到的創意科技傑作，等緊好奇心爆燈嘅小朋友逐一發掘試玩。另外，記得玩埋【設計思維挑戰】互動遊戲，贏走限定獎品。

五感遊戲 讓小朋友大放笑彈

體驗完【城市創科大挑戰】創意展的25個創科方案原型後，抖數完精神再繼續向下一個目標【創新科技嘉年華 2022】的五感科技體驗館進發！（其實就喺旁邊10W 附近）大玩超過20項感官互動遊戲，小朋友透過各類遊戲，刺激大腦神經元發展，提升想像力、創造力、觀察力和好奇心。

心思思想即刻帶埋小朋友展開創意動感探索之旅，以下係活動詳情：

【城市創科大挑戰】創意展

日期：2022年10月22至30日
時間：

-星期一至五──早上10時至下午5時
-周六及周日──早上10時至下午6時
地點：香港科學園方院 （金蛋下方大型帳幕）
費用：全免
了解更多：www.citytechgc.hk/zh-Hant

（Presented by ITC & HKSTP）