砌你個樣！即影專屬LEGO肖像馬賽克！尖沙咀玩具“反”斗城玩具嘉年華任玩！
廣告
LEGO迷可能會擁有很多不同款式的LEGO公仔，不過你有沒有擁有過有自己樣的LEGO呢？今次在尖沙咀海運大廈由玩具“反”斗城舉辦的玩具嘉年華，就可以影LEGO即影即有，因為LEGO Mosaic Maker將會首度在亞洲出現！大家齊齊影個專屬馬賽克，拎返屋企砌啦！
撰文：kelly＠新假期周刊｜攝影：Day
重點推介：LEGO Mosaic Maker即影即有
LEGO Mosaic Maker是一部「樂高即影即有」機器，在倫敦hit爆！它的外型就好像影證件相的機一樣大大部，你只需影一張相，等5分鐘到，就可以擁有一個有自己樣貌的專屬LEGO，可以放在家裡慢慢砌！之前新假期記者亦曾經去到倫敦試玩，效果非常不俗，今次終於到香港有得玩，香港的LEGO粉絲有福啦！
只要在尖沙咀旗艦店或網上購買LEGO Mosaic Maker產品，上網預約拍照時間（預約網址：www.toysrus.com.hk/lego-mosaic-maker），便可在場內攝影區輕鬆拍照，並即場獲得一張個人專屬的拼砌指示！
好似影貼紙相！ 5分鐘即有個人專屬LEGO
呢部LEGO Mosaic Maker，記者試玩的時候，就覺得好似影貼紙相咁，不過今次呢部機非常專業，可以調整鏡頭高度和照片對比，大人小朋友都可以齊齊影！而LEGO Mosaic Maker體驗為期半年，大家記得要把握機會啦！
記者試玩：
影LEGO相，就好像影貼紙相一樣，過程快捷容易操作，不過樣貌上呢，當然真人比LEGO靚啦！不過記者覺得最難的，一定是後來要慢慢把馬賽克圖一粒一粒去砌囉。
LEGO Mosaic Maker
價錢：$1,299
地點：尖沙咀海運大廈玩具“反”斗城旗艦店
玩具嘉年華 18個大型遊戲區任玩
除了超受大家歡迎的LEGO之外，今次由玩具“反”斗城主辦的玩具嘉年華，佔地20,000呎，由即日起至1月14日期間舉行，場內一共有18個遊戲區，費用全免，無論大人還是小朋友，都可以在區內任玩。不少玩具品牌亦建造了大型遊戲裝置，仲有超嘔心的鬼口水呀！
