悅品酒店Staycation｜菠蘿園餵羊駝最平$262泰式Staycation

Sep 23 2021

悅品酒店Staycation｜就嚟又到長假期，疫情之下冇得去旅行，又想搵地方同小朋友玩？不妨考慮下去有外國風格嘅Staycation，趁假期享受吓去旅行嘅感覺！悅品酒店最近推出咗「玩轉菠蘿園」住宿計劃，去度假之餘仲可以去埋菠蘿園玩，同兔仔羊駝零距離接觸！媽媽們可以選擇入住泰國、日本、希臘或非洲主題客房一晚，今次Blogger就揀咗泰國主題，一齊嚟睇吓有咩好玩啦！

圖文授權：山系小達人﹝雞丁暟遊天下﹞｜編輯：Billie

悅品酒店Staycation｜一秒飛去泰國

這次的泰式主題風格Staycation，成個package除了可以入往泰國主題套房仲有菠蘿園入場券，Blogger媽媽表示性價比非常高！酒店入面四周可以看到許多泰國風格的裝飾，例如大象雕像，房間內也有泰式風格的壁畫，另外會送一隻公仔俾小朋友，就算去唔到旅行都令你有置身於泰國的感覺。如果想同小朋友去游水，記住要book定泳池先啦。Package不包括兒童樂園，客人需要自費入場，裏面有小型電動車、煮飯仔玩具、滑梯等，啱哂小朋友放電。

泰式Staycation｜環保農莊：餵小動物玩盡地攤遊戲

菠蘿園以外，酒店還有一個「環保農莊」是免費入場的，記住順道去探下小動物呀！這個環保農莊就在菠蘿園旁邊，入面除咗可以餵動物外，更有少量地攤遊戲，可以用奶樽餵魚、掟幸運樽贏取豐富的禮物，當日Blogger媽媽仲同小朋友玩咗撈金魚。農莊入面有得餵兔兔和羊先生，仲可以見到小豬。肚餓的話仲有任食自助BBQ添。

泰式Staycation｜菠蘿園：零距離接觸羊駝

菠蘿園上年引入了4隻來自澳洲的超萌羊駝以及小羊和白兔，入場可與牠們零距離接觸，更可以親身餵飼，唔好錯過呀！今次個package冇包摘菠蘿活動，不過場入面仲有許多大型遊樂設施，例如沙池、充氣堡壘、釣魚池，小朋友可以盡情喺大草地之中玩耍放電。場內仲有一大片太陽花田，爸爸媽媽不妨同小朋友一齊打卡。

泰式Staycation｜親子工作坊：DIY環保托印袋

菠蘿園入面有一系列的手作工作坊，小朋友可以同媽媽一齊製作，今次Blogger媽媽就整咗DIY環保托印袋、DIY真皮羊駝印鎖匙扣1個，以及扭波波。除此之外，仲可以整手作沙畫。菠蘿園另一面還有其他休憩設施，有小朋友專用的彈床，可以和小朋友玩障礙賽，有很多為小朋友而設的遊樂設施，可以俾佢哋盡情咁跑跑跳跳。仲有大大間菠蘿屋，可以一家大細一齊打卡。玩完之後，可以用優惠價換購珍珠雪糕菠蘿包同菠蘿飲品，消暑又好味！