【新年小手工】拜年逗利是必備 DIY豬仔利是袋
廣告
豬年梗係要有應節衫褲鞋襪仲要加埋頭飾先似樣！仲未夠？加多個豬仔袋逗利是就perfect!要在市面上揾個豬仔袋真係談何容易！但自己整袋又係一個好艱巨嘅工程，但如果小藝人話你知，只要預備簡單材料，剪剪貼貼加縫兩行短短嘅線就整到靚靚嘅豬仔利是袋，係唔係好心動呢？
撰文：Little Crafts 小藝人|圖片：Little Crafts 小藝人|編輯：KM
新年小手工 DIY豬仔利是袋
小藝人今次教大家做嘅就係韓式簡約風嘅動物袋，豬年就一於做豬仔袋啦 快啲跟小藝人動手做手工啦！
材料：
紙樣
戥絨
魔術貼
膠水
黑色膠珠
製作方法
韓國最流行嘅一片式袋仔，十分簡單易做：按各部份在適當顏色戥絨上畫出袋身、鼻、耳朵，剪出。
將袋身按袋形摺好，用針線將兩邊縫好，可先用雙面膠紙固定袋身，這樣可更方便縫製。縫好後反轉袋仔。整個袋形已出現！
在鼻的反面用布用膠水或白膠漿貼上魔術貼，並貼上眼精及耳朵待乾。
按喜好可加點裝飾在耳朵或袋子上！
韓式簡約風豬仔袋完成！
