大埔林村許願節年初一開鑼｜美食嘉年華+活動預告
撰文：Sunday Kiss｜圖片來源：IG、香港許願節｜編輯：LW
大埔林村許願節初一開鑼
每年新年都有好多親子好去處，其中大埔林村許願節最受香港人歡迎！除咗有得體驗拋寶牒、點蓮花燈等傳統新年祈福活動，仲有美食嘉年華，超有新年氣氛！今年舉行日期則有別以往，縮短為年初一（25/1）至年十六（9/2）舉行，中間更有多個精彩表演，不容錯過。
2020香港許願節舞台表演節目表
拋寶牒
話明林村許願節，當然離不開為人所悉嘅祈福儀式拋寶牒，只要將願望寫去寶牒上面，然後將寶牒綁上桔子（現在改為膠桔），誠心祈禱後掟上許願樹而成功掛喺樹上面即係代表願望即將成真！
延伸閱讀：新年禁忌數一數 年初一拜年／掃地／洗頭／倒垃圾必知
祈福蓮花燈
通常大家見到蓮花燈都係長輩WhatsApp group入面，其實流放蓮花燈亦都傳統祈福儀式，大埔林村都有許願池放燈，讓願望隨水運轉。
往年的新春花車展覽
大年初一晚新春巡遊花車，以往會在林村許願廣場作公開展覽，不過今年香港旅遊發展局早前宣布取消年初一的新春花車巡遊，改辦一連四日的大型嘉年華，因此林村今年並沒有新春巡遊花車展覽，令人可惜。不過不要緊，以下就一齊回顧以往新春花車巡遊展覽的景況喇！
攤位小食：美食嘉年華 賣漁村特產燒魷魚＋盆菜
根據以往林村許願節的經驗，場內的美食嘉年華絕對唔會令大家失望！多款特色美食及傳統客家小食，好似大埔漁村秘製的海產如燒金蠔、燒原隻魷魚、串燒、甜點，大部份更即叫即製，新鮮美味，所以許完願唔急，掃晒先好走！
許願嘉年華
雖然沒有了花車展覽活動，但今年則於2月8日（初年十五）新增了許願嘉年華，當中更邀請了多個歌手駐唱助興，炒熱氣氛，下午3時更設有傳統圍村盆菜，大家可以一邊享受音樂，一邊感受傳統美食，相當寫意！傳統圍村盆菜價錢為$1,308一席，有興趣的朋友需要於1月31日前預訂，大家要注意了！
延伸閱讀：25個新春限定活動推介｜室內遊樂場+商場+市集+嘉年華
交通事項
由於林村一帶道路較為窄，而林村節又非常多人參與，所以每年警方都會林錦公路實施交通管制，奉勸駕車人士喺呢個繁忙時段最好改搭公共交通工具，否則天黑都入唔到去玩！
- 於港鐵大埔墟站A3出口乘搭64K或64P號巴士，在放馬莆站下車。
- 於港鐵太和站A出口乘25K號綠色小巴，在林村許願樹下車。
- 於港鐵太和站A出口乘計程車前往。
大埔林村許願節詳情
日期：2020年1月25日至2月9日 (年初一至年初十六)
時間：8:45am-6:30pm
地點：林村許願廣場（顯示地圖）
官網：http://www.lamtsuen.com
前往方法：
小巴：25K
巴士：64R（63R為特別班次，更多詳情可瀏覽官網）
備註：由於林村一帶道路較為窄，而香港許願節深受市民歡迎，所以每年警方都會林錦公路實施交通管制，駕車人士在繁忙時段前往的話，最好改搭公共交通工具。
