【暑期活動2019】6大必睇卡通電影 | 反斗奇兵+多啦A夢等大製作
撰文：KM | 圖片：電影公司
【暑期活動2019】6大必睇卡通電影
講到暑期活動，當然唔少得睇電影！今年暑假有6大必睇卡通電影，即刻Book Mark定上映時間去睇！
1.PET PET當家2
上映日期：2019年6月20日
片長：86分鐘
PET PET當家第一集已經大受小朋友歡迎，呢次上映第二集，繼續成為小朋友必睇嘅電影！
PET PET當家2故事大綱：
爹利犬阿麥正經歷「狗」生巨變 — 主人凱迪結了婚，有了兒子里安，而阿麥一日到黑都為了保護小主人而緊張到癲。原本阿麥和老友大嚿十分期待成家人去農莊旅行鬆一鬆，點知遇上串爆牛牛、火爆狐狸，同埋恐佈火雞，反而加劇了阿麥的焦慮。最後，牠從農莊狗老大雄雞身上學懂放手，俾空間里安成長，變得不再神經質，更找出自己強大的一面！
2.蜘蛛俠：決戰千里
上映日期：2019年6月28日
片長：129分鐘
作為小朋友最喜爱嘅英雄之一，電影《蜘蛛俠：決戰千里》必定係小朋友暑假檔期必睇電影之選！
《蜘蛛俠：決戰千里》故事大綱：
彼得柏加回復學生身分，重新投入校園生活。正當他決定小別超級英雄的繁重工作，與好友結伴踏上歐洲之旅，神盾局費局長卻突然現身，通知他世界各地正受到各種元素怪物侵襲。遊學之旅被迫喊停，彼得唯有重披戰衣，再一次肩負拯救地球的重任，但今次他除了要對抗一直伺機出擊的邪惡組織，還要面對未知是敵是友的「神秘客」……
3.樣衰衰奇兵
上映日期：2019年6月27日
片長：88分鐘
呢套《樣衰衰奇兵》由《史力加2》班底炮製，由許廷鏗及鄭欣宜配音聲演，亦係今年暑假比較少見「非續集」嘅電影，電影角色亦好得意！
《樣衰衰奇兵》故事大綱：
遠在樣衰衰村莊，一班騎呢怪公仔，過著「唔知醜」的快樂生活。一日，勇於冒險的Mo姐，同好友MC狗、牛華、鑊橙、蝠仔同灰爆等，闖到完美至上的頂呱呱洋娃娃學院，發現一個從未想像過的美麗新世界。一班樣衰衰公仔決定要「變靚D」，企圖擠身完美公仔之列，但被自命男神的大劉百般嫌棄….. 他們最終能否成功大變身？抑或憑著繽紛的缺陷去贏取小朋友的歡心？
4.反斗奇兵4
上映日期：2019年7月11日
片長：待定
《反斗奇兵4》絕對係今年暑假最矚目嘅電影！無論係大人定小朋友都唔可以錯過！今次《反斗奇兵4》仲有新成員加入，一定會揭起熱潮，必睇！
《反斗奇兵4》故事大綱：
寶妮帶著一眾玩具穿州過省展開家庭旅行，格格不入的新玩具「小叉」乘機走佬，胡迪立即展開追蹤，巴斯光年亦率領一眾玩具出手相助，由此踏上一段意想不到的全新歷險。
6.憤怒鳥大電影2
上映日期：2019年8月
片長：待定
憤怒鳥今年繼續推出電影，第一集上映時已經好瘦小朋友歡迎，今次新增神秘的新敵人，繼續「爆笑」!
《憤怒鳥大電影2》故事大綱：
自從阿雄、阿查和阿爆神勇擊退綠色小豬，三兄弟成為島上大英雄。但是他們與小豬們的戰爭並沒有告一段落，兩幫人馬仍舊日夜鬥個你死我活。一日，小豬隊長里安納提出休戰，因為他們發現有新的敵人出現鳥？ ！住在不遠處的鷹后因為厭倦鷹島長年冰天雪地，因此決定佔領風光明媚的鳥島及豬豬島。為捍衛家園，憤怒鳥們唯有放下成見，與豬隊友結盟，仲搵埋醒目鳥、鷹神、鋼牙妹豬及 發明豬等新成員齊齊組隊，一同向敵方陣營進發，展開一場爆笑又驚險的救島之旅！
7.電影多啦A夢：大雄之月球探測記
上映日期：2019年8月8日
片長：待定
多啦A夢嘅電影一向非常受歡迎！很多小朋友都會用每一日都會睇「多啦A夢」卡通片，今次電影講月球，小朋友一定鍾意！
《電影多啦A夢：大雄之月球探測記》故事大綱：
月球探測器拍到神秘白色影子的熱門新聞，令大雄忽發奇想：「月球上真的有兔子！」雖然大雄遭大家嘲笑，不過多啦A夢使用了神奇道具「傳說俱樂部會員襟章」，真的在月球背面建造了兔仔王國！後來，大雄一行人和神秘的轉校生露卡來到兔仔王國，更與露卡的姐姐露娜，以及其他擁有不可思議力量、被稱為「超能力者」的孩子成為朋友。然而一艘來歷不明的太空船捉走了所有超能力者，露卡為了保護大雄等人，亦落入敵人手中。到底大雄他們能否成功救出露卡和其他朋友？兔仔王國與神秘敵人之間又有甚麼不為人知的秘密呢？
