【我要做書蟲】暑假好去處‧ 玩盡4大喜「閱」互動遊戲
撰文：大仁生活
今次活動主題:「悅」讀越快樂！書蟲大世界入面有4大遊戲區, 大家不用消費都可以排隊免費玩!!
SY第一時間便跑到「絢子書藝社」, 自己畫主角, 之後便可以將自定角色變E-Book主人翁.
SY:「我畫積積呀!! 似唔似呀? 爸爸」(SY今個暑假的新寵就是超人特工隊這位BB)
小朋友設計完角色, 便可以去電腦進行掃瞄, 故事主角即時走上大銀幕…我:「哈哈! 好攪笑…D公仔全部都咁肥嘅」
另外, 獨一無二「積積」故事電子書, 亦同一時間傳送到我的電郵, 我:「哎呀! 你頭先畫嗰隻公仔, 真係變咗做57秒嘅故事書主角喎」SY一邊笑一邊睇!
第二個區域就是小津廚房, 小朋友會由抽出「孕婦, 長者, 小童, 素食者, 減肥人士或 運動員」來幫他們砌飯盒！
SY今次抽到幫素食者砌出「山水豆腐香菇麵配水果」, 工作人員問:「你知唔知咩係素食者」
SY:「我知, 即係食齋無肉嘅」, 這個跟著圖片還原飯盒的遊戲, SY之前也在荃灣的一家大細做家務中玩過, 所以非常熟手.
砌完第一時間遞給我說:「爸爸! 我請你食!!」(D食物像真度都好高喎, 以假可亂真)
之後SY說:「爸爸! 點解另外嗰邊有個繩網嘅?? 」, 工作人員說:「小朋友E個係一叮訓練營」
原來, 小朋友首先要幫手在四周圍找回4本指家圖書, 然後才可以避開繩網, 再以考驗平衡力, 挑戰重重障礙, 將書本帶返原位！
老實說, 要SY跑跑跳跳完全無難度, 如果叫他坐定定閱讀, 真的難過叫他停玩陀螺一星期…當然, 影一張相假裝一下又另作別論.
最後一區, 亦是我覺得最好玩的星之館失書事件簿…
因為小朋友會化身神探, 在場內找線索去解謎, 尋找偷書人及書本！
SY找找腳印, 找找手印便扮醒明的大叫:「我估係2號偷咗本書」, 工作人員:「我哋仲有二個解謎方法, 不如你玩埋先啦」
原來, 第二關還要拼圖解密, 之後才可以跟隨證據去尋回失落的圖書！
SY:「哦!! 原來係XXX」(暫時不劇透, 雖然可能結局未必次次一樣, 但還是留待大家來做神探破案啦)
《小書蟲・大世界》夏日活動
日期: 2018.08.11 – 2018.09.02
時間: 11:00am – 9:00pm
地點: 太古城中心二樓中橋
